Vegagerðin kynnir fyrirhugaðar framkvæmdir á um 6,5 km löngum kafla á Steinadalsvegi (690), milli Vestfjarðavegar (60) og Ólafsdals í sunnanverðum Gilsfirði í Dalabyggð.  Um er að ræða endurbyggingu núverandi vegar.

Vegagerðin kynnir hér framkvæmd í Sveitarfélaginu Hornafirði. Fyrirhugað er að taka efni úr opinni námu við Breiðárlón, námu E-63 Breiðárlón.  Efnið verður nýtt í viðhald á núverandi bakkavörnum og þröskuldum Jökulsár á Breiðamerkursandi þar sem landbrot og rof í farvegi hefur ógnað samgöngum á svæðinu um langt árabil.

Vegagerðin kynnir fyrirhugaðar framkvæmdir við nýja 46 m langa brú á Skriðdals- og Breiðdalsvegi (95) á Gilsá á Völlum í Múlaþingi. Í tengslum við byggingu nýrrar brúar þarf að endurbyggja Skriðdals- og Breiðdalsveg á 1,2 km löngum kafla. Markmið framkvæmdarinnar er að auka umferðaröryggi og stuðla að greiðari samgöngum 

Vegagerðin kynnir hér fyrirhugaðar framkvæmdir við nýja brú á Hringvegi (vegnúmer 1-a3) um Hverfisfljót í Skaftárhreppi í Vestur-Skaftafellssýslu. Í tengslum við byggingu nýrrar brúar þarf að endurbyggja Hringveginn á kafla. Fyrirhugað er að byggja nýja 74 m langa og tvíbreiða brú yfir Hverfisfljót á Hringvegi við hlið núverandi brúar.

Vegagerðin kynnir hér framkvæmd á Krýsuvíkurvegi (42) í Grindavíkurbæ, innan verndarsvæðisins Reykjanesfólkvangs. Fyrirhugað er að gera endurbætur á 1,5 km löngum kafla vegarins þar sem hann liggur  um Vatnsskarð. Framkvæmdakaflinn hefst skammt sunnan við tengingu að Vatnsskarðsnámu og endar við Blesaflöt sunnan Vatnsskarðs. Um er að ræða endurbyggingu vegarins á núverandi vegsvæði og lagningu klæðingar.

Vegagerðin fyrirhugar endurbætur á Kjalvegi (35) í Bláskógabyggð, á 17,3 km löngum kafla sem hefst við Árbúðir og endar við Kerlingafjallaveg (F347). Að mestu er um endurbyggingu á núverandi vegsvæði að ræða eða á samtals 12,6 km löngum kafla. Vikið er út af núverandi vegsvæði á nokkrum stöðum vegna aðstæðna í landslagi og til að sneiða hjá þekktum snjóastöðum. Samtals munu 4,7 km alls kaflans liggja um nýtt vegsvæði.

Vegagerðin kynnir hér framkvæmd í Djúpavogshreppi. Fyrirhugað er að taka efni úr opinni námu, Svartagilslæk (A-15) í landi Hvannabrekku í Berufirði, vegna fyrirhugaðra vegaframkvæmda á Hringvegi (1) um Berufjörð. Náman er fast við Hringveg (1) um Berufjörð og er á aðalskipulagi Djúpavogshrepps þar sem hún ber heitið A-15 Svartagilslækur.  

Vegagerðin fyrirhugar að ráðast í endurbætur á Borgarfjarðarvegi (94) í Njarðvík og Njarðvíkurskriðum á um 4,8 km löngum kafla í Borgarfjarðarhreppi. Framkvæmdin getur mögulega raskað fornleifum og fellur því undir 6. gr. laga um mat á umhverfisáhrifum nr. 106/2000 m.s.br., flokk B í 1. viðauka, lið 10.09, því um er að ræða enduruppbyggingu vegar utan þéttbýlis á verndarsvæði. Framkvæmdin hefur verið tilkynnt til Skipulagsstofnunar sem mun taka ákvörðun um matsskyldu hennar.

Vegagerðin fyrirhugar vegaframkvæmdir á Hafnavegi, vegnúmer 44, í Reykjanesbæ á Suðurnesjum.

Til stendur að tengja Hafnaveg inn á Reykjanesbraut (41-18) á nýjum stað, eða inn á hringtorg við Stekk, sem er um 400 m austan við núverandi vegamót Hafnavegar og Reykjanesbrautar.

Vegagerðin kynnir hér framkvæmdir á Skaftártunguvegi (208) um Eldvatn hjá Ásum í Skaftártungu, Skaftárhreppi í Vestur-Skaftafellssýslu.

Vegagerðin kynnir hér framkvæmdir á Hringvegi (1) um Morsá á austanverðum Skeiðarársandi í sveitarfélaginu Hornafirði í Austur-Skaftafellssýslu.

Vegagerðin kynnir hér framkvæmd í Sveitarfélaginu Hornafirði. Fyrirhuguð er efnistaka úr námu E-63, Breiðárlón við Breiðá, vegna viðgerða á rofvörnum Jökulsár á Breiðamerkursandi.

Náman er norðan við Breiðá og um 1,2 km norðaustan við Breiðárlón og er á aðalskipulagi Sveitarfélagsins Hornafjarðar. Að námunni liggur tæplega 7 km langur slóði frá Hringveginum sem verður nýttur sem námuvegur.

Vegagerðin hefur tilkynnt Skipulagsstofnun um efnistöku í Bláskógabyggð. Fyrirhugað er að vinna um 20.000 m³ af efni sem ætlað er til að að leggja bundið slitlag á þegar uppbyggðan Kaldadalsveg frá slitlagsenda norðan Þingvalla að Uxarhryggjavegi alls um 15 km. 

Vegagerðin hefur tilkynnt Skipulagsstofnun um vegaframkvæmd í Bláskógabyggð. Fyrirhugað er að gera lagfæringar á 2,9 km löngum kafla á Kjalvegi (35) sem hefst 6,4 km norðan Hvítár og endar við Árbúðir. Framkvæmdasvæðið er innan þjóðlendna á miðhálendinu.

Vegagerðin kynnir hér með framkvæmdir á Strandavegi um Bjarnarfjarðarháls í Kaldrananeshreppi, á kaflanum milli vegamóta Strandavegar/Drangsnesvegar syðri (645-01)  í Steingrímsfirði og Svanshóls í Bjarnarfirði. Fyrirhugað er að ný- og endurbyggja um 7,3 km langan vegkafla og byggja nýja tvíbreiða brú á Bjarnarfjarðará.

Vegagerðin hefur tilkynnt Skipulagsstofnun um efnistöku úr opinni námu á Fljótsheiði þar sem fyrirhugað er að taka allt að 149.900 m3 af efni á allt að 49.900 m2 svæði. Náman er lögð fram í samráði við Þingeyjarsveit því gera þarf óverulega breytingu á Aðalskipulagi Þingeyjarsveitar 2010-2022 vegna hennar.

Vegagerðin fyrirhugar endurbætur á Örlygshafnarvegi (612) við sunnanverðan Patreksfjörð í Vesturbyggð. Fyrirhugað er að endurbyggja, lagfæra og leggja bundið slitlag á núverandi veg milli Skápadalsár og Patreksfjarðarflugvallar. Framkvæmdakaflinn er um 8,4 km langur.

Vegagerðin og Norðurþing  hafa tilkynnt Skipulagsstofnun um nýja námu í Skurðsbrúnum þar sem fyrirhugað er að taka allt að 149.900 m3 af efni á allt að 49.900 m2 svæði. Í tengslum við námuna þarf að leggja 2,8 km langan námuveg sem liggur frá fyrirhuguðu iðnaðarsvæði á Bakka að námunni. Framkvæmdin er í Norðurþingi í Suður-Þingeyjarsýslu.

Nauðsynlegt er að leggja mat á legu vegar og línu saman, ekki síst með tilliti til sjónrænna áhrifa. Æskilegt er að mannvirkin verði á ”mannvirkjabelti” Sprengisands, þó þannig að hæfileg fjarlægð verði á milli þeirra. 

Vegagerðin kynnir hér með framkvæmdir við öryggisaðgerðir á Hringvegi  í Reykjadal (1-q8) á kaflanum milli Lauga og Reykjadalsár í Þingeyjarsveit í Suður-Þingeyjarsýslu. Burðarþol núverandi vegar er orðið lélegt og vegurinn mishæðóttur. Margir ökumenn virða ekki þær hraðatakmarkanir sem eru á Hringveginum þar sem hann liggur í gegnum þéttbýlið á Laugum. Á þeim kafla eru margar vegtengingar sem sumar hverjar eru illa afmarkaðar og engin gangbraut. 

Vegagerðin kynnir hér með framkvæmdir við byggingu nýrrar brúar yfir Jökulsá á Fjöllum við Grímsstaði og vegaframkvæmd á Hringvegi (1).  Framkvæmdin er í Skútustaðahreppi í Suður-Þingeyjarsýslu og Norðurþingi í Norður-Þingeyjarsýslu.

Vegagerðin vinnur nú að lagfæringum á Staðarbraut í Aðaldal. Um er að ræða tvo kafla, frá Aðaldalsvegi að slitlagsenda við Helluland og frá slitlagsenda við Múla að brú yfir Laxá hjá Brúum, samtals 4,45 km.

Vegurinn verður styrktur og klæddur bundnu slitlagi á þessum köflum. Veglína breytist á um 600 metra löngum kafla næst Laxá þar sem erfiðar beygjur verða lagfærðar.

Vegagerðin kynnir hér nýja veglínu sem lögð er fram sem viðbót við áður birta matsskýrslu um umhverfismat Axarvegar, Hringvegar í Skriðdal og Hringvegar um Berufjarðarbotn í sveitarfélögunum Fljótsdalshéraði og Djúpavogshreppi.

Vegagerðin fyrirhugar endurbætur á Borgarfjarðarvegi (94), í Njarðvík, frá Hríshöfða og að Njarðvíkurvegi. Framkvæmdin er í Borgarfjarðarhreppi í N.-Múlasýslu.

Um er að ræða lagfæringu á núverandi vegi og lagningu bundins slitlags á um 4 km löngum kafla. Á kafla verður veglínunni breytt til að lagfæra beygjur og sett verður ræsi í Njarðvíkurá og lögð af einbreið brú yfir hana.

Áætlað er að framkvæmdir hefjist vorið 2012 og þeim verði að fullu lokið fyrir haustið 2012.

Fyrirhugað er að koma fyrir víravegriðum á um 740 m kafla meðfram núverandi vegi þar sem hann liggur yfir Helluvaðsá og á bökkum Laxár og Helluvaðsár. Breikka þarf vegaxlir, lagfæra kanta og rekstrarleið sauðfjár og færa bílastæði við veginn.

Verkið felst í að gera nýja göngubrú yfir Vesturlandsveg suðvestan núverandi hringtorgs við Hafravatnsveg/Þverholt. Staðsetning og lega brúarinnar er í samræmi við deiliskipulag svæðanna beggja vegna Vesturlandsvegar. Um er að ræða 60m langa eftirspennta steinsteypta brú sambærilega að útliti þeirri sem nú er til staðar norðaustan hringtorgsins.

Fyllt er alveg upp að endum brúarinnar sem grundaðir eru á staurum, en grafið fyrir sökklum miðstöpuls og millistöpla sem eru sýnilegir. Beggja vegna brúarinnar verða byggðir stígar með 50 prómill halla að hámarki, auk tröpputenginga. Norðanmegin liggja stígar gegnum þéttvaxið trjásvæði, með trjám allt að 5m háum.

Verkið felst í endurbótum á gatnamótum Hafnarfjarðarvegar og Fjarðarhrauns í Engidal Endurbæturnar felast í að

auka öryggi vegfarenda, bæði akandi og gangandi. Endurbætur ganga m.a. út á að setja upp fjögurra fasa umferðarljós, en með því er hægt að tryggja betur öryggi vinstribeygju umferðar. Fjölgun fasa umferðarljósa hefur í för með sér að græni tíminn á öðrum umferðarstraumum styttist og þar með afkastagetan. Til að vinna á móti þessari minnkun á afkastagetu þarf því að fjölga akreinum svo sama umferðarmagn og áður komist um gatnamótin þrátt fyrir styttri grænan tíma.

Vegna mikillar umferðar á Reykjanesbraut er þörf á að koma fyrir undirgöngum norðaustan við núverandi innkeyrslu að Álverinu í Straumsvík.
Byggð verða undirgöng undir Reykjanesbraut ásamt tilheyrandi vegtengingum og mun framkvæmdin auka umferðaröryggi til muna, þar sem ekki þarf lengur að þvera aðra umferð til og frá svæðinu.

Vegagerðin kynnir með skýrslu þessari fyrirhugaðar endurbætur á 0,6 km kafla á Djúpvegi (61) um Seljalandsós og Seljalandsá í Álftafjarðarbotni í Súðavíkurhreppi.

Ríkisstjórn Íslands ákvað á fundi sínum á Ísafirði þann 5. apríl 2011 að veita 350 m.kr. til vegagerðar á Vestfjörðum, umfram þær fjárveitingar sem eru á samgönguáætlun. Vegagerðinni er falið faglegt val á verkefnum.

Vegagerðin undirbýr lagfæringar á Upphéraðsvegi á milli Skeggjastaða og Teigabóls. Um er að ræða styrkingu á núverandi vegi og lagningu bundins slitlags á um 3 km löngum kafla.

Einnig verða vegfláar lagfærðir, ræsi lengd og tveir skurðir grafnir meðfram veginum, samtals 640 m.

Vegagerðin fyrirhugar að koma upp snjóflóðavörnum á Ólafsfjarðarvegi við Sauðanes.

Gerðir verða þrír svokallaðir snjóflóðaskápar ofan við veginn og sett upp stálþil framan við skápana. Verður þetta gert í þremur giljum þar sem snjóflóð eru mjög algeng.

Verkið felst í byggingu undirganga norðan hringtorgsins við Grænás, gerð framhjáhlaups í Reykjanesbraut vegna framkvæmdarinnar ásamt lagningu aðliggjandi göngu-, hjól- og reiðstíga.

Framkvæmdin innifelur einnig að annast flutning / endurnýjun kaldavatnslagnar austan Reykjanesbrautar næst undirgöngunum í samráði við HS Veitur.

Framkvæmdir við seinni hluta tvöföldunar Hringvegar ( Vesturlandsvegar ) um Mosfellsbæ milli Hafravatnsvegar og Þingvallavegar hófust í lok mars. Nú er unnið við kaflann frá Álafossvegi að Þingvallavegi.

Endanleg verklok eru áætluð í lok september 2011. Á framkvæmdatímanum verður reynt sem kostur er að takmarka truflanir á umferð. Verkið er í sameiginlegri forsjá Vegagerðarinnar og Mosfellsbæjar og verktaki er ÍAV hf.

Vegagerðin kynnir hér með 2,8 km langa vegaframkvæmd á Strandavegi, af Djúpvegi í botni Steingrímsfjarðar að Geirmundarstaðavegi í mynni Selárdals til að fá úrskurð Skipulagsstofnunar um hvort framkvæmdin skuli sæta mati á umhverfisáhrifum.
Jafnframt er fjallað um breytta legu Staðarvegar og Stakkanesvegar og tengingu Grænaness við Strandaveg.

Þann 1. október 2010 tilkynnti Vegagerðin til Skipulagsstofnunar um fyrirhugaða breytingu á legu Norðausturvegar við þéttbýlið í Vopnafirði og nýja tengingu við þéttbýlið. Tilkynningin er í samræmi við 6. gr. laga um mat á umhverfisáhrifum nr. 106/2000 m.s.b. og lið 10.c í 2. viðauka laganna.

Vegagerðin fyrirhugar að opna nýja efnisnámu fyrir klæðingarefni í Húsaborg í landi Auðunarstaða í sveitarfélaginu Húnaþingi vestra í Vestur-Húnavatnssýslu. Í tengslum við námuvinnsluna þarf að leggja nýjan, um 1,1 km langan, námuveg.

Verkið felst í tvöföldun og breikkun Suðurlandsvegar frá Fossvöllum í Lögbergsbrekku ofan við Lækjarbotna og upp í Draugahlíðabrekku austan við Litlu kaffistofuna. Lengd útboðskafla er um 6,5 km.

Verkið felst í tvöföldun og breikkun Suðurlandsvegar frá Fossvöllum í Lögbergsbrekku ofan við Lækjarbotna og upp í Draugahlíðabrekku austan við Litlu kaffistofuna. Lengd útboðskafla er um 6,5 km.

Þann 22. febrúar 2010 tilkynnti Vegagerðin fyrirhugaða breytingu á vegtengingum frá Dettifossvegi (862) að Hólmatungum og Vesturdal/Hljóðaklettum, Norðurþingi, til Skipulagsstofnunar.

Vegagerðin og Reykjavíkurborg hefja bráðlega byggingu undirganga fyrir gangandi vegfarendur, undir Vesturlandsveg, við Klébergsskóla.
Markmiðið með framkvæmdinni er að gera trygga gönguleið undir Vesturlandsveg og er þá sérstaklega verið að hugsa til skólabarna í Klébergsskóla.

Þann 17. september 2009 tilkynnti Vegagerðin Skipulagsstofnun um breytingar á 1,8 km löngum kafla á nýrri veglínu Norðausturvegar, á kaflanum frá Klapparósi að Katastöðum. Ný lega vegarins var kölluð veglína 174 og er hún kynnt í greinargerð Vegagerðarinnar frá september 2009. Breytingar á veglínu Norðausturvegar eru .....

Þann 3. júní 2009 tilkynnti Vegagerðin Skipulagsstofnun um fyrirhugaða breytingu á 1,7 km löngum kafla á veglínu Norðausturvegar (85), Hófaskarðaleið, við Klapparós og Katastaði, Norðurþingi. Kynntir voru tveir nýir kostir.....

Ákvörðun Skipulagsstofnunar um matsskyldu, vegna fyrirhugaðar breytingar á veglínu Norðausturvegar, Hófaskarðsleið, við Klapparós og Katastaði, liggur nú fyrir.

Vegagerðin kynnir hér með vegaframkvæmd á Kísilvegi (87) í Skútustaðahreppi og Þingeyjarsveit, Suður-Þingeyjarsýslu. Fyrirhugað er að endurbyggja um 3,1 km langan kafla sem hefst við núverandi slitlagsenda á Hólasandi og liggur áleiðis norður í átt að Kasthvammsheiði.

Vegagerðin kynnir hér með framkvæmd á Hringvegi (1) í Jökuldal, Fljótsdalshéraði N.-Múlasýslu. Til stendur að byggja nýja og breiðari brú yfir Ystu Rjúkandi og aðlaga Hringveginn (1) beggja vegna hennar. Þá verður áningastaður byggður í tengslum við framkvæmdina.

Vegagerðin hefur opnað útboð í framkvæmd á Hringvegi (1) í Skriðdal, Fljótsdalshéraði S.-Múlasýslu. Til stendur að endur-og nýbyggja um 11 km langan kafla og byggja 3 nýjar brýr; yfir Þórisá, Eyrarteigsá og Jóku.

Vegagerðin og Reykjavíkurborg hafa gert með sér samkomulag um ódýrar aðgerðir til að draga úr umferðartöfum og/eða auka öryggi í umferðarkerfi Reykjavíkurborgar.

Vegagerðin kynnir hér með vegaframkvæmd á Skíðadalsvegi (807) í Dalvíkurbyggð, Eyjafjarðarsýslu.
Fyrirhugað er að endurbyggja, styrkja og leggja bundið slitlag á tvo kafla Skíðadalsvegar. Annars vegar milli Skáldalækjar og Brautarhóls, hins vegar milli Hofsár og Ytra-Hvarfs.

Í Samgönguáætlun er gert ráð fyrir endurnýjun Vestfjarðavegar frá Vattarfirði í Kjálkafjörð. Ríkisstjórn Íslands lýsti því yfir árið 2007, er hún kynnti svonefndar mótvægisaðgerðir vegna minni þorskkvóta, að flýta ætti vegaframkvæmdum og þessi kafli yrði boðinn út um leið og undirbúningi væri lokið.

Vegagerðin hefur óskað eftir tilboðum í byggingu Raufarhafnarvegar í Norðurþingi N.-Þingeyjarsýslu. Framkvæmdin er um 14,1 km löng og liggur frá Hófaskarðsleið að Raufarhafnarflugvelli.

Um nýbyggingu er að ræða og skal verkinu að fullu lokið fyrir 1. október 2010.

Samgönguráðherra og vegamálastjóri hafa samþykkt tilhögun áætlunar um tvöföldun Suðurlandsvegar. Leiðin milli Reykjavíkur og Selfoss yrði 2+2 vegur að undanteknum kafla í Svínahrauni og á Hellisheiði sem yrði 2+1 vegur. Fyrsti hluti verkefnisins verður boðinn út síðar á árinu.

Heildarkostnaður við verkið er áætlaður kringum 15,9 milljarðar króna. Til ráðstöfunar á þessu ári verður kringum einn milljarður og verður fyrst boðinn út tvöföldun kaflans milli Lögbergsbrekku og Litlu kaffistofunnar og síðan kafli næst Vesturlandsvegi.

Samgönguráðherra og vegamálastjóri hafa samþykkt tilhögun áætlunar um tvöföldun Suðurlandsvegar. Leiðin milli Reykjavíkur og Selfoss yrði 2+2 vegur að undanteknum kafla í Svínahrauni og á Hellisheiði sem yrði 2+1 vegur. Fyrsti hluti verkefnisins verður boðinn út síðar á árinu.

Heildarkostnaður við verkið er áætlaður kringum 15,9 milljarðar króna. Til ráðstöfunar á þessu ári verður kringum einn milljarður og verður fyrst boðinn út tvöföldun kaflans milli Lögbergsbrekku og Litlu kaffistofunnar og síðan kafli næst Vesturlandsvegi.

Vegagerðin hefur óskað eftir tilboðum í nýbyggingu Norðausturvegar (85) um Vesturárdal á milli Bunguflóa og Vopnafjarðar, nýbyggingu Hofsárdalsvegar (920) á milli Vesturárdals og Hofsárdals, endurbætur Skógavegar (914) frá Vesturárdalsvegi og um 200 m vestur fyrir tengingu við Torfastaðaveg (9120), auk nokkurra heimreiða.

Fyrirhugaðar eru framkvæmdir á Hringvegi í Skriðdal, á milli Litla Sandfells og Haugaár. Um er að ræða 10,9 km langan kafla með 7,1 km nýbyggingu og 3,8 km endurbyggingu á núverandi vegi.

Fyrirhuguð er vegaframkvæmd á Djúpadalsvegi (6087), frá væntanlegum Vestfjarðavegi á Hallsteinsnesi að núverandi Vestfjarðavegi undir Mýrlendisfjalli ásamt tengingum.

Fyrirhugað er að endurbæta núverandi Hringveg á um 9.7 km kafla frá Krossastaðaá í Hörgárdal og suður fyrir Syðri-Bægisá í Öxnadal. Vegurinn verður breikkaður úr 7,5 m í 10,0 m. Veglínunni verður hliðrað lítilsháttar til austurs þar sem breikkunin myndi ella fara fram af háum bökkum og vegfláinn ná langt fram á eyrar Hörgár á köflum. Áætluð efnisþörf í veginn er um 91.900 þúsund m3.

Framkvæmdir eru hafnar á fyrsta áfanga Norðausturvegar til Vopnafjarðar. Um er að ræða nýbyggingu frá Brunahvammshálsi að Bunguflóa þar sem nýr vegur tengist núverandi vegi. Lengd framkvæmdakafla er um 11,2 km en heildarlengd fyrirhugaðs vegar til Vopnafjarðar er um 42 km.

Vegagerðin áætlar að ljúka uppbyggingu Snæfellsnesvegar (54) yfir Fróðárheiði á næstu þremur árum. Vegur um Fróðárheiði liggur í 361 m hæð og er einn fjallveganna yfir Snæfellsfjallgarð, lítið eitt austan Ólafsvíkur.

Vegagerðin fyrirhugar að endurbyggja um 9,4 km langan vegarkafla Illugastaðavegar (833), sem hefst við slitlagsenda sunnan vegamóta Vaglaskógarvegar (836) og endar skammt sunnan Illugastaðakirkjuvegar (8632) í Fnjóskadal.

Vegagerðin hefur óskað eftir tilboðum í fyrri áfanga Dettifossvegar(F862), frá Hringvegi að Dettifossi. Fyrirhugað framkvæmdasvæði er í Skútustaðahreppi í S.-Þingeyjarsýslu og Norðurþingi í Norður-Þingeyjarsýslu.

Framkvæmdin felst í nýbyggingu Dettifossvegar á þessum kafla, nýbyggingu tenginga að Dettifossi og Hafragilsfossi, auk byggingar eins áningarstaðar við Dettifossveg og tveggja útskota. Í framkvæmdinni felst einnig gerð bílastæða við Hafragilsfoss og Dettifoss.

Vegagerðin hefur óskað eftir tilboðum í annan áfanga Norðausturvegar, Hófaskarðsleiðar. Um er að ræða nýbyggingu frá núverandi Norðausturvegi á Fremri-Hálsi að slitlagsenda við Sævarland. Lengd útboðskaflans er 8,3 km.

Vegagerðin tilkynnti fyrirhugaða breytingu á veglínu og efnistöku á 2. og 3. áfanga Dettifossvegar, á kaflanum frá tengingu að Dettifossi að Norðausturvegi í Kelduhverfi, Norðurþingi, til Skipulagsstofnunar.

Vegagerðin áformar að tvöfalda Suðurlandsveg frá Hólmsá ofan Reykjavíkur að vegamótum við Hveragerði. Byggður verður 2 + 2 vegur með mislægum vegamótum á allt að 7 stöðum. Markmið framkvæmdarinnar er að auka umferðaröryggi, lækka slysatíðni og tryggja greiðari umferð um Suðurlandsveg.

Drög að tillögu að matsáætlun vegna Suðurlandsvegar er nú kynnt almenningi, hagsmunaaðilum og lögbundnum umsagnaraðilum um tveggja vikna skeið, frá 20. apríl til 7. maí 2008, í samræmi við 14. gr. reglugerðar nr. 1123/2005 um mat á umhverfisáhrifum.

Vegagerðin áformar að tvöfalda Suðurlandsveg frá Hólmsá ofan Reykjavíkur að vegamótum við Hveragerði. Byggður verður 2 + 2 vegur með mislægum vegamótum á allt að 7 stöðum. Markmið framkvæmdarinnar er að auka umferðaröryggi, lækka slysatíðni og tryggja greiðari umferð um Suðurlandsveg.

Drög að tillögu að matsáætlun vegna Suðurlandsvegar er nú kynnt almenningi, hagsmunaaðilum og lögbundnum umsagnaraðilum um tveggja vikna skeið, frá 20. apríl til 7. maí 2008, í samræmi við 14. gr. reglugerðar nr. 1123/2005 um mat á umhverfisáhrifum.

Vegagerðin fyrirhugar að endurbæta um 4,6 km langan kafla á Borgarfjarðarvegi (94) milli Lagarfossvegar og Sands á Fljótsdalshéraði. Núverandi vegur er mjór malarvegur og miða endurbætur að því að styrkja hann og leggja á hann bundið slitlag auk .....

Vegagerðin fyrirhugar að endurbæta um 0,8 km langan kafla á Knarrarbergsvegi (8490) milli Veigastaðavegar og Leifsstaðavegar í Eyjafjarðarsveit. Núverandi vegur er mjór malarvegur og miða endurbætur að því að styrkja hann og leggja á hann bundið slitlag.

Vegagerðin fyrirhugar að endurbæta um 4,5 km langan vegarkafla á Dagverðareyrarvegi (816) milli Hringvegar og Hellulands í Hörgárbyggð í Eyjafirði. Núverandi vegur er burðarlítill malarvegur og miða endurbæturnar að því að styrkja hann og leggja á hann bundið slitlag.

Fyrirhugað er að endurbyggja, styrkja og leggja bundið slitlag á 8,6 km kafla sem hefst um 0,4 km vestan Ólafsfjarðarvegar í Arnarneshreppi og endar skammt sunnan Skriðu í Hörgárdal. Veglínan mun að mestu fylgja núverandi vegi .....

Vegagerðin fyrirhugar að byggja nýjan veg með bundnu slitlagi milli Valtýskambs og Sandbrekku í Djúpavogshreppi, Suður-Múlasýslu. Framkvæmdasvæðið er á Hringvegi, vegnúmer 1, tæpa 4 km frá Djúpavogsvegi (98).

Vegagerðin fyrirhugar að byggja nýja brú á Hringvegi yfir Rangá hjá Flúðum, skammt norðan við Fellabæ. Ný brú verður byggð á sama stað og núverandi einbreið brú er.

Út er komin skýrsla sem lýsir aðstæðum til jarðgangagerðar milli Skarfaskers í Hnífsdal og Óss í Bolungavík.

Frá báðum gangamunnum er örstutt vegtenging .....

Vegagerðin fyrirhugar að endurbæta 4,2 km langan vegarkafla á Hringvegi, vegnúmer 1, um Þvottár- og Hvalnesskriður í Djúpavogshreppi og Sveitarfélaginu Hornafirði, Suður-Múlasýslu.

Vegagerðin fyrirhugar að endurbyggja um 5,1 km langan kafla af Upphéraðsvegi (vegnúmer 931) norðan Lagarfljóts og setja ræsi í Þorleifará í stað einbreiðrar brúar sem þar er í dag. Vegurinn verður 6,5 m breiður með 6,3 m breiðri klæðingu.

Vegagerðin er með skýrslu þessari að kynna fyrirhugaða vegaframkvæmd vegna lagningar vegar um Hrafnkelsdal. Um er að ræða nýlagningu vegar frá Aðgöngum 3 Kárahnjúkavirkjunar að Laugahúsum í Hrafnkelsdal

Vegagerðin kynnir breytingu á fyrirhugaðri vegaframkvæmd á Hringvegi, vegnúmer 1, í Bæjarhreppi í Strandasýslu og Húnaþingi vestra í Vestur-Húnavatnssýslu, og Djúpvegi, vegnúmer 61, í Bæjarhreppi. Framkvæmdin nefnist:

Hringvegur um Hrútafjörð, Brú-Staðarskáli.

Ný vegtenging við Djúpveg liggur um tvö sveitarfélög og tvær sýslur á þessum kafla: annarsvegar Bæjarhrepp í Strandasýslu vestan sýslumarka, hinsvegar Húnaþing vestra í Vestur-Húnavatnssýslu, austan sýslumarka.

Vegagerðin kynnir fyrirhugaða vegaframkvæmd á Eyjafjarðarbraut vestri, vegnúmer 821, í Eyjafjarðarsveit í Eyjafjarðarsýslu.

Áætlað er að framkvæmdir hefjist í júní 2007 og að framkvæmdir við veginn standi yfir í 1-2 mánuði. Áætluð verklok eru í lok september 2007.

Vegagerðin fyrirhugar að enduruppbyggja um 1,2 km langan kafla af Hringvegi ofan Þakeyrar í sunnanverðum Hamarsfirði.

Framkvæmdarsvæðið er á Hringvegi, vegnúmer 1, rúmlega 12 km sunnan við Djúpavog. Veglína færist sunnar og ofar í hlíðna en nú er. Mjög varasamar brekkur, blindhæðir og blindbeygjur sem eru á þessum kafla í dag verða lagaðar með framkvæmdinni.

Kynning á þremur gangakostum á Djúpvegi nr. 61 á milli Bolungarvíkur og Ísafjarðar sem nefndar hafa verið: Seljadalsleið, Skarfaskersleið og Hnífsdalsleið

Vegagerðin fyrirhugar að endurbyggja Norðfjarðarveg, vegnúmer 92, um Hólmaháls á milli Reyðarfjarðar og Eskifjarðar. Núverandi vegur er frekar mjór og hlykkjóttur með bröttum brekkum.

Um er að ræða 5,1 km langan kafla.

Byggður verður nýr vegur utan vegsvæðis núverandi vegar, nema til endanna þar sem vegurinn tengist aftur inn á núverandi Norðfjarðarveg og þar sem vegurinn þverar núverandi veg í Hólmahálsi Reyðarfjarðarmegin.

Vegagerðin kynnir nú tillögu að breikkun Suðurlandsvegar um eina akrein í svokallaðan 2+1 veg, frá gatnamótum við Þorlákshafnarveg og Hveragerði að gatnamótum við Hafravatnsveg.

Vegurinn verður þá tvær akreinar í aðra áttina og ein akrein í gagnstæða átt.

Miðjuakrein er síðan víxlað sem næst á eins til tveggja og hálfs kílómetra millibili. Víravegrið verður sett á milli akstursstefna, sem dregur verulega úr líkum þess að bílar úr gagnstæðri átt rekist saman.

Vegagerðin fyrirhugar að breyta legu Upphéraðsvegar (vegnúmer 931) á milli Fellabæjar og Ekkjufells. Nýr vegur verður lagður á um 1,6 km löngum kafla og mun tenging við Hringveg (vegnúmer 1) vera 230 m norðar en núverandi tenging. Breytingin er í samræmi við gildandi Aðalskipulag Fellahrepps [nú Fljótsdalshérað].

Vegagerðin kynnir hér fyrirhugaða vegaframkvæmd á Útnesvegi (574) sem liggur um norðvestanvert Snæfellsnes frá Háahrauni að Saxhóli (kort 1). Framkvæmdarsvæðið liggur í Þjóðgarðinum Snæfellsjökull og er á náttúruminjaskrá.

Fyrirhugað er að endurbyggja veginn á 16,9 km kafla með litlum breytingum á legu vegar en nokkuð hæðarlega. Vegurinn verður byggður í vegflokki C2 og í vegbreidd 6,5 m. Lögð verður klæðning og bundið slitlag á veginn. Með þessari framkvæmd er lokið við að endurbyggja Útnesveg með bundnu slitlagi frá Háahrauni til Saxhóls.

Vegagerðin fyrirhugar að enduruppbyggja um 4,3 km langan kafla af Hringvegi í Skriðdal og setja ræsi í Haugaá og Vatnsdalsá í stað einbreiðra brúa sem þar eru í dag.

Undanfarin ár hefur Jökulsá á Fjöllum lagst til vesturs að Lindahrauni nyrst í Herðubreiðarlindum. Áin hefur með þessu skemmt það svæði sem fjallvegur F88 hefur legið um og bendir flest til þess að áin haldi áfram að leggjast vestur að Lindahrauni.

Vegagerðin fyrirhugar að setja 62 m langt og 3 m breitt stálplöturæsi í Miðhúsaá á Seyðisfjarðarvegi, vegnúmer 93, um 7,5 km frá Egilsstöðum. Ræsið kemur í stað einbreiðrar brúar. Veglínan mun færast lítillega til og verður ræsið örlítið ofar í Miðhúsaá en núverandi brú. Með framkvæmdinni mun bratti vegar ofan við Miðhúsaá einnig minnka.