Snjóflóðaviðvaranir

Súðavíkurhlíð,  Ólafsfjarðarmúli og Flateyrarvegur. 

Vegagerðin hefur komið á fót viðvörunarkerfi með SMS skeytum um snjóflóðahættu til vegfarenda. Sendar eru upplýsingar um snjóflóðahættu á vegi 61 um Súðavíkurhlíð, á vegi 82 um Ólafsfjarðarmúla og á vegi 64 Flateyrarvegi.

.  Viðvaranirnar eru m.a. byggðar á snjóflóðaspá sem Veðurstofan gerir fyrir Vegagerðina um þessa vegakafla.

Um er að ræða eftirfarandi stig:

A:  varað er við snjóflóðahættu á næstu klukkustundum.

B:  lýst yfir óvissustigi,  sem þýðir að snjóflóðahætta er viðvarandi og vegfarendur hvattir til að vera ekki á ferðinni að nauðsynjalausu.

C:  lýst yfir hættustigi, veginum lokað.

D:  hættustigi aflýst og vegurinn opinn.

Hægt er að skrá sig til að fá SMS í símann með því að senda póst á umferd@vegagerdin.is eða með því að hringja í síma 1777.

Snjóflóðaviðvaranir (pdf) _{(febrúar 2019)}