Náma E-63 við Breiðárlón á Breiðamerkursandi í Sveitarfélaginu Hornafirði
Vegagerðin kynnir hér framkvæmd í
Sveitarfélaginu Hornafirði. Fyrirhugað er að taka efni úr opinni námu við
Breiðárlón, námu E-63 Breiðárlón. Efnið verður nýtt í viðhald á núverandi
bakkavörnum og þröskuldum Jökulsár á Breiðamerkursandi þar sem landbrot og rof
í farvegi hefur ógnað samgöngum á svæðinu um langt árabil.
Fyrirhugað er að taka í áföngum um 200.000 m3 af bergi á næstu 15-20 árum. Efnið verður nýtt í að verja mannvirki og samgöngur við Jökulsá á Breiðamerkursandi og þar með tryggja öryggi gesta og annarra vegfarenda á svæðinu.
Erfitt er að segja til um nákvæma efnisþörf vegna rofvarnaraðgerða á svæðinu þar sem náttúruöflin eru ófyrirsjáanleg. Mikilvægast er að hafa efni til taks ef grípa þarf til varnaraðgerða með litlum fyrirvara.
Fyrirhugað efnistaka hefur verið tilkynnt til Skipulagsstofnunar í samræmi við lög um umhverfismat framkvæmda og áætlana nr. 111/2021, viðauka 1, lið 2.02.
Vegagerðin mun stuðla að því að röskun á landi verði haldið í lágmarki og að hún takmarkist fyrst og fremst við námusvæðið sjálft. Framkvæmdum verður hagað þannig að neikvæð áhrif þeirra verði sem minnst og haft samráð við ýmsa aðila.
