Fréttir
Vinna við að skilja að akstursstefnur hafin
Gátskildir á 2 km kafla komnir upp
Vinna við að setja upp gátskildi á milli akreina á Reykjanesbrautinni á framkvæmdasvæðinu hófst í gær. Settir voru upp skildir á 2 km kafla og verður haldið áfram jafn hratt og kostur er. Panta þarf gátskildi til viðbótar. Einnig voru í gær miðvikudag sett upp stærri skilti til aðvörunar.
Vegagerðin ítrekar þau tilmæli til vegfarenda að aka varlega á framkvæmdasvæðum og aka ætíð í samræmi við aðstæður.
