Dýpkað verður í Landeyjahöfn eftir helgi

of mikil alda til að dýpka þar til á þriðjudag

26.5.2023

Reiknað er með að hægt verði að hefjast handa við dýpkun í Landeyjahöfn á þriðjudag 30. maí þegar útlit er fyrir minni ölduhæð en næstu daga. Frekar grunnt er í innsiglingunni og hugsanlegt að það gæti haft áhrif á siglingar ef ölduhæð er mjög mikil.

Spáð er minnkandi ölduhæð á þriðjudag. Dýpkunarskipið Álfsnes er við vinnu á Ísafirði og verður þar fram á sunnudag. Álfsnesið verður komið til Landeyjahafnar á þriðjudag.

Dýpið er komið niður í u.þ.b. 4 m í hafnarmynninu,  innan hafnar er einnig grunnt við innri Eystri-garðinn.

Hér er nýjasta dýptarmælingin frá 25. maí.

Það þarf að taka um 30.000 m³ úr hafnarmynninu og um 40.000 m³ innan hafnar. Reiknað er með að það taki um vikutíma upp í 10 daga, framvindan fer eftir veðri.

Langtímaspáin eftir þriðjudag er nokkuð góð.