Hringvegur (1) um Kjalarnes 2. áfangi, Vallá - Hvalfjörður. Eftirlit og ráðgjöf (EES)
Vegagerðin óskaði eftir tilboðum í eftirlit og ráðgjöf með breikkun Hringvegar (1) um Kjalarnes í 2+1 veg frá Vallá að Hvalfirði. Um er að ræða um 5,5 km langan vegkafla með hringtorgum við Móa og Dalsmynni, nýjum undirgöngum við Grundarhverfi og Arnarhamar, lengingu á undirgöngum við Vallá, nýtt stálplöturæsi/brú yfir Ártúnsá við Bakkaveg, lengingu á stálplöturæsi/brú yfir Ártúnsá við Hringveg auk hliðarvega, stíga og veitukerfa. Verkið er samstarfsverkefni Vegagerðarinnar, Reykjavíkurborgar, Veitna og Gagnaveitu Reykjavíkur.
Val bjóðanda fer fram á grundvelli hæfismats og verðs og ber bjóðanda að leggja fram tilboð sitt í tveimur hlutum, þ.e. upplýsingar um hæfi bjóðanda og verðtilboð.
Tilboðum bar að skila fyrir kl. 14:00 föstudaginn 23. apríl 2021. Eftirtaldir lögðu fram tilboð fyrir lok tilboðsfrests:
Efla hf., Reykjavík
Hnit, verkfræðistofa hf., Reykjavík
Mannvit, Kópavogi
Miðvikudaginn 28. apríl 2021 verður tilkynnt stigagjöf í hæfnisvali og verðtilboð hæfra bjóðenda.
