Auglýst útboð
Grassláttur á Suðursvæði 2023-2024
Vegagerðin býður hér með út grasslátt á Suðursvæði árin 2023 og 2024. Meðal annars er um að ræða svæði við Vesturlandsveg, Suðurlandsveg, Breiðholtsbraut, Reykjanesbraut, Hafnarfjarðarveg, Arnarnesveg, Fjarðarhrauni, Strandgötu og Garðskagaveg.Áætlað magn grassláttar er samtals 1.545.084 m2 á ári í fjórum umferðum.
Gildistími samnings er til 15. september 2024. Heimild er til framlengingar samnings í allt að tvö ár, eitt ár í senn.
Útboðsgögnin eru aðgengileg og verða afhent í rafræna útboðskerfinu TendSign frá og með föstudeginum 21. apríl 2023 og skal tilboðum skilað rafrænt í því útboðskerfi fyrir kl. 14:00 þriðjudaginn 23. maí 2023.
Ekki verður haldinn sérstakur opnunarfundur en eftir lok tilboðsfrests verður bjóðendum tilkynnt um nöfn bjóðenda og heildartilboðsfjárhæðir.
Útboðið er auglýst á Evrópska efnahagssvæðinu.
Leiðbeiningar fyrir útboðsvefinn TendSign
