Fréttir
Jóla- og áramótakveðja Vegagerðarinnar 2006
Vegagerðin sendir landsmönnum öllum sínar bestu óskir um
Gleðileg jól og farsælt komandi ár
með þökk fyrir samskiptin á árinu sem er að líða
Reykjanesbraut um Garðabæ
Ný mislæg gatnamót við Urriðaholt voru tekin í notkun um miðjan október. Malbikun nýrrar akbrautar frá Kaplakrika að Fífuhvammsvegi er langt komin. Ýmis vinna við frágang með vegi hefur tafist af ýmsum ástæðum, þ.m.t. veðurfarslegum.
Nú er unnið að því að koma endanlegri lýsingu á þann kafla sem þegar hefur verið tekinn í notkun og vonast er til að það náist fyrir áramót.
Lokaskýrsla um áhrif höfuðborgarsvæðisins og ferðavenjur
Komin er út lokaskýrsla um rannsóknarverkefnið ,,Áhrif höfuðborgarsvæðisins og helstu þéttbýlisstaða.”
Ráðgjafarfyrirtækið Land-ráð sf. undir stjórn Bjarna Reynarssonar hefur unnið fimm skýrslur um málið fyrir samgönguyfirvöld en markmið rannsóknarinnar er að afla glöggra upplýsinga um ferðavenjur innanlands fyrir stefnumótun í samgöngumálum.
Jarðgöng á milli Bolungarvíkur og Ísafjarðar
Greinargerð um mögulegar jarðgangaleiðir á milli Bolungarvíkur og Ísafjarðar var kynnt á fundi í ráðhúsinu í Bolungarvík í dag. Á fundinum voru samgönguráðherra og Vegamálastjóri með fylgdarliði og bæjarfulltrúar í Bolungarvík og á Ísafirði.
Í greinargerðinni kemur fram að þrjár leiðir séu taldar mögulegar og næst sé að taka saman kynningarskýrslu um þessar leiðir og umhverfisáhrif þeirra. Leiðirnar eru Seljadalsleið, Skarfaskersleið og Hnífsdalsleið, sjá nánar yfirlitsuppdrátt.
Norðfjarðarvegur (92) um Hólmaháls
Vegagerðin fyrirhugar að endurbyggja Norðfjarðarveg, vegnúmer 92, um Hólmaháls á milli Reyðarfjarðar og Eskifjarðar. Núverandi vegur er frekar mjór og hlykkjóttur með bröttum brekkum.
Um er að ræða 5,1 km langan kafla.
Byggður verður nýr vegur utan vegsvæðis núverandi vegar, nema til endanna þar sem vegurinn tengist aftur inn á núverandi Norðfjarðarveg og þar sem vegurinn þverar núverandi veg í Hólmahálsi Reyðarfjarðarmegin.
Lesa meiraSamtök opinberra verkkaupa (SOV) stofnuð
Þann 1. desember 2006 var haldinn stofnfundur SOV – Samtaka opinberra verkkaupa. SOV er samstarfsvettvangur opinberra aðila á Íslandi, sem stunda kaup á verkum og þjónustu þeim tengdum. Aðild að samtökunum geta átt ríkisstofnanir og sveitarfélög.
Stofnaðilar SOV eru Framkvæmdasýslan, Framkvæmdasvið Reykjavíkurborgar, Siglingastofnun og Vegagerðin.
Umfangsmikið vöktunar- og viðbragðskerfi í jarðgöngum
Mörg hundruð jarðgöng fyrir bíla- og/eða lestarumferð eru í vegakerfi Evrópulanda, mismunandi löng og umferðarþunginn er sömuleiðis mikill. Alls eru kringum 400 í ríkjum Evrópusambandsins og munu um 114 bætast við til ársins 2010. Í Noregi eru alls tæplega þúsund göng, þar af tæplega 400 sem eru 500 m og lengri, og í Sviss eru göngin alls kringum 200.
Á Íslandi eru 7 jarðgöng í dag og 8 ef talið er með 35 metra langt ,,gatið" í Arnardalshamrinum milli ....
Lesa meiraHringvegur(1); Hafravatnsvegur - Þorlákshafnarvegur
Vegagerðin kynnir nú tillögu að breikkun Suðurlandsvegar um eina akrein í svokallaðan 2+1 veg, frá gatnamótum við Þorlákshafnarveg og Hveragerði að gatnamótum við Hafravatnsveg.
Vegurinn verður þá tvær akreinar í aðra áttina og ein akrein í gagnstæða átt.
Miðjuakrein er síðan víxlað sem næst á eins til tveggja og hálfs kílómetra millibili. Víravegrið verður sett á milli akstursstefna, sem dregur verulega úr líkum þess að bílar úr gagnstæðri átt rekist saman.
Lesa meiraRannsóknarráðstefna Vegagerðarinnar 2006
Þróunarsvið Vegagerðarinnar stóð fyrir árlegri rannsóknaráðstefnu sinni föstudaginn 3. nóvember 2006, á Hótel Nordica.
Þetta er í fimmta sinn sem rannsóknaráðstefnan er haldin og hafa í hvert sinn dregið til sín vel yfir hundrað þátttakendur.
Fyrirlestrarnir eru nú aðgengilegir hér á netinu .....
Lesa meira
Rannsóknarráðstefna Vegagerðarinnar 2006 auglýst
Þróunarsvið Vegagerðarinnar stendur fyrir árlegri rannsóknaráðstefnu sinni föstudaginn 3. nóvember 2006 á Hótel Nordica í ráðstefnusal á fyrstu hæð.
Þetta er í fimmta sinn sem rannsóknaráðstefnan er haldin. Kveðið er á í vegalögum að 1% af mörkuðum tekjum til vegamála skuli renna til rannsókna- og þróunarstarfs og er ráðstefnunni ætlað að endurspegla afrakstur hluta þess starfs.
Lesa meiraAfhending viðurkenningar fyrir vegagerðarmannvirki
Dómnefnd vegna viðurkenningar Vegagerðarinnar fyrir gerð og frágang mannvirkja hefur lokið störfum og ákveðið að framkvæmdin Norðausturvegur (85) á Tjörnesi skuli hljóta viðurkenningu að þessu sinni.
Til greina komu verk sem lokið var við á árunum 2002-2004.
Viðurkenningarskjöl voru afhent á Akureyri 26. október. Það voru Norðaustursvæði Vegagerðarinnar og verktakinn Ístak hf. sem tóku á móti viðurkenningunum.
Drög að vegalögum til umsagnar
Nefnd sem skipuð var að samgönguráðherra 17. janúar 2006 til að endurskoða vegalög nr. 45/1994 hefur skilað niðurstöðum í formi frumvarps til nýrra vegalaga.
Þrír nefndarmenn skrifuðu undir nefndarálitið með fyrirvara og skiluðu séráliti sem er að finna sem fylgiskjal með frumvarpinu.
Nefndarálitið ásamt skýringum er hér með lagt fram á vef samgönguráðuneytisins til umsagnar þeirra sem áhuga hafa.
Lesa meiraUndirbúningur samgönguáætlunar 2007 - 2018
Vinna við samgönguáætlun 2007 - 2018 er á lokastigi en ráðgert er að leggja hana fyrir Alþingi nú í haust.
Í samgönguáætlun er sett fram stefnumótun og helstu markmið sem unnið skal að, grunnnet samgöngukerfisins er skilgreint, sett fram áætlun um fjáröflun til samgöngumála og yfirlit um útgjöld til allra helstu þátta í rekstri samgöngustofnana, svo og viðhalds, öryggismála og nýframkvæmda á sviði flugmála, siglingamála og vegamála.
Lesa meira
Vegstaðall: Vegrið - útgáfa til umsagnar
Lögð er hér fram, til umsagnar, drög að vegstaðli, sem fjallar um vegrið.
Lögð er áhersla á að menn kynni sér þessa útgáfu og geri við hana athugasemdir, fyrir 1. nóvember 2006, og sendi Eymundi Runólfssyni.
Lesa meira
Auglýsing um umhverfismat Samgönguáætlunar 2007 - 2018
Samgönguráðuneytið og stofnanir þess auglýsa hér með kynningu á umhverfismati á tillögu að samgönguáætlun 2007 – 2018 í samræmi við lög nr. 105/2006 um umhverfismat áætlana.
Samgönguáætlun er unnin í samræmi við lög nr. 71/2002 og er hún samræmd áætlun fyrir flug-, siglinga- og vegamál. Umhverfismatið tekur til áhrifa helstu markmiða og helstu framkvæmda samgönguáætlunar á umhverfið.
Vel heppnuð ráðstefna um evrópska staðla í vegagerð
Ráðstefnuna sóttu ríflega 100 manns, þar af um 60 erlendis frá. Á ráðstefnunni, sem haldin var á vegum nefnda 33 og 34 innan Norræna vegtæknisambandsin (NVF), var fjallað um staðla frá tækninefndum CEN/TC 154 (steinefni) og CEN/TC 227 (vegagerðarefni) og innleiðingu þeirra á Norðurlöndunum. Lesa meira
Héðinsfjarðargöng - Samgönguráðherra sprengir fyrstu sprengingu laugardaginn 30. september
Laugardaginn 30. september kl. 14:00 mun samgönguráðherra tendra fyrstu formlegu sprengingu við Héðinsfjarðargöng. Sprengingin verður framkvæmd við gangamunna Siglufjarðarmegin í Skútudal.
Héðinsfjarðargöng er stærsta verkefni sem Vegagerðin hefur boðið út og var verksamningur milli Vegagerðarinnar og verktakans Metrostav a.s. og Háfell ehf undirritaður á Siglufirði þann 20. maí sl. Upphæð verksamnings er um 5,7 milljarðar króna en heildarkostnaður verksins er áætlaður rúmir 7 milljarðar.
CEN-NORD Seminar in Iceland - föstud. 29.9.2006
Þegar hafa yfir 100 þátttakendur skráð sig á Norræna ráðstefnu um Evrópska staðla í vegagerð, sem haldin verður á vegum deilda 33 og 34 Norræna vegtæknisambandsins (NVF) föstudaginn 29. september 2006 á hótel Nordica.
Efni ráðstefnunnar eru evrópustaðlar sem fjalla um steinefni (CEN/TC 154) og vegagerðarefni (CEN/TC 227). Ítarleg umfjöllun verður um staðlana og innleiðingu þeirra á Norðurlöndum.
Umferðarkönnun í Víkurskarði
Út er komin skýrsla með niðurstöðum úr umferðarkönun, sem gerð var í Víkurskarði með það að markmiði að afla upplýsinga um umferð á milli þéttbýlisstaða á Norðurlandi eystra. Einnig gætu niðurstöður nýst við undirbúning hugsanlegra jarðganga í gegnum Vaðlaheiði.
Framkvæmd könnunarinnar var með þeim hætti að allar bifreiðir, á leið um könnunarstaðinn voru stöðvaðar og bílstjórar spurðir nokkurra spurninga.
Vegagerðin, umferðardeild og björgunarsveitin Súlur á Akureyri sáu um að framkvæma umferðarkönnunina, alls 35 manns.
Margvíslegur fróðleikur um umferð á svæðinu kemur fram í skýrslunni.
Lesa meiraNú segjum við stopp
Efnt verður til borgarafunda samtímis á sjö stöðum á landinu fimmtudaginn 14. september kl. 17.15 undir yfirskriftinni "Nú segjum við stopp!"
Tilefni fundanna er sú alda umferðarslysa sem skollið hefur á landsmönnum að undanförnu.
Borgarafundirnir verða haldnir í Hallgrímskirkju í Reykjavík, Stapanum í Reykjanesbæ, Fjölbrautarskóla Suðurlands á Selfossi, Menntaskólanum á Egilsstöðum, Akureyrarkirkju, Ísafjarðarkirkju og í Borgarneskirkju.
Framkvæmdafréttir 24. tbl. 2006
Út er komið 24. tölublað Framkvæmdafrétta.
Hvers vegna ekki að nota hringtorgin meira á þjóðvegum? er titill áhugaverðrar greinar í blaðinu, þar sem fjallað er meðal annar um svokallaða "núll sýn" sem þjóðþing Noregs og Svíþjóðar hafa samþykkt.
Öryggismál umferðarinnar er einnig kjarni annarra greina blaðsins.
Lesa meiraEuroRAP verkefnið
Nú liggja fyrir fyrstu niðurstöður úr svokölluðu EuroRAP verkefni sem FÍB stendur að. EuroRAP er úttekt á umferðaröryggi vega og umhverfi þeirra og hefur þegar verið unnið að slíkum samræmdum úttektum í nokkrum Evrópuríkjum.
Vegagerðin hefur fylgst með þróun EuroRAP í Evrópu í nokkur ár, gegnum systurstofnanir og ýmis samtök og nefndir sem starfsmenn taka þátt í.
Í þeirri forkönnun sem þegar hefur verið unnin hérlendis lagði Vegagerðin til ýmis gögn og þekkingu varðandi vegakerfið og umferðaröryggismál, og stofnunin mun áfram styðja við framhald verkefnisins.
Lesa meiraVegirnir okkar - kynningarrit um starfsemi Vegagerðarinnar
Vegakerfinu er stundum líkt við æðakerfi mannslíkamans sem viðheldur starfseminni með því að tryggja eðlilegt blóðstreymi um hina ýmsa hluta líkamans.
Með sama hætti eru traust vegakerfi og góðar samgöngur forsenda þess að mannlíf og atvinnulíf geti vaxið og dafnað í þéttbýli sem dreifbýli.
Eðli málsins samkvæmt er Vegagerðin með starfsemi um allt land og umsvif hennar og áhrif á lífið í landinu eru meiri en margan grunar og er kynningarritinu "Vegirnir okkar" ætlað að gefa nokkra innsýn í helstu þætti starfseminnar, almenningi til fróðleiks.
Lesa meiraGreinargerð um hrun úr Óshyrnu yfir vegi um Óshlíð milli Bolungarvíkur og Hnífsdals
Þessa dagana eru enn til umræðu mælingar sem Veðurstofan stendur fyrir á sprungu uppi á Óshyrnu yfir vegi um Óshlíð á milli Bolungarvíkur og Hnífsdals. Búið er að mæla gliðnun sprungunnar þetta árið og mælist um 5 mm, eða helmingi meiri en undanfarin ár.
Sett hefur verið fram lýsing á versta hugsanlega atburði, það er að stór spilda losni í einu lagi sem valdi mjög miklu hruni úr fjallinu. Starfsmenn Veðurstofu hafa gert því skóna að þessi atburður gæti vel orðið innan 10 ára. Þetta virðast þó vera mjög ólíkleg atburðarás.....
Lesa meiraUppbygging á Útnesvegi um norðvestanvert Snæfellsnes
Vegagerðin kynnir hér fyrirhugaða vegaframkvæmd á Útnesvegi (574) sem liggur um norðvestanvert Snæfellsnes frá Háahrauni að Saxhóli.
Framkvæmdarsvæðið liggur í Þjóðgarðinum Snæfellsjökull og er á náttúruminjaskrá.
Fyrirhugað er að endurbyggja veginn á 16,9 km kafla .....
Lesa meiraKynning fyrirhugaðrar framkvæmdar á Hringvegi í Skriðdal
Vegagerðin fyrirhugar að enduruppbyggja um 4,3 km langan kafla af Hringvegi í Skriðdal og setja ræsi í Haugaá og Vatnsdalsá í stað einbreiðra brúa sem þar eru í dag.
Framkvæmdarsvæðið er á Hringvegi, vegnúmer 1, um 36 km sunnan við Egilsstaði. Vegurinn verður endurbyggður frá Haugaá og að norðurenda Skriðuvatns. Ræsi verður sett í Vatnsdalsá .....
Lesa meiraHringvegur um Hornafjarðarfljót í Hornafirði
Vegagerðin auglýsir hér með drög að tillögu að matsáætlun vegna fyrirhugaðra breytinga á Hringvegi um Hornafjarðarfljót í sveitarfélaginu Hornafirði. Framkvæmdin er 11-18 km löng veglagning, háð veglínum og nær frá Hringvegi vestan Hornafjarðarfljóts, yfir Hornafjarðarfljót og að Hringvegi skammt austan Hafnarvegar sem liggur að Höfn í Hornafirði.
Framkvæmdin styttir Hringveginn um 10-12 km. Tilgangur framkvæmdar er að bæta samgöngur á Suðausturlandi og ...
Lesa meira2. áfangi Sundabrautar - Tillaga að matsáætlun auglýst til kynningar
Áætlaðar eru framkvæmdir við 2. áfanga Sundabrautar í Reykjavík frá Gufunesi upp á Kjalarnes.
Vinna við undirbúning mats á umhverfisáhrifum framkvæmdanna er hafin hjá Verkfræðistofunni Línuhönnun og eru drög að tillögu að matsáætlun nú til kynningar um tveggja vikna skeið, frá 7. júlí til 19. júlí.
Lesa meira
Umferð á þjóðvegum 2005
Heildarakstur á þjóðvegum 2005 var rúmar 2000 milljónir, eða 2 milljarðar, eknir km. Aukning umferðar milli áranna 2004 og 2005 reyndist vera 6,0%. Til samanburðar má geta þess að umferðaraukning var 3,4% að meðaltali á ári á tímabilinu 1999-2004.
Sjálfvirkt hraðaeftirlit á þjóðvegum
Skýrsla Rannsóknarnefndar umferðarslysa 2005
Skýrsla RNU árið fyrir árið 2005 er komin út og er birt á slóðinni http://www.rnu.is. Í skýrslunni er fjallað um einstök banaslys á árinu 2005 í forvarnarskyni og er það breytt framsetning samanborið við fyrri skýrslur nefndarinnar. Er það gert með hliðsjón af nýrri löggjöf um nefndina.
Lesa meira
Hvalfjarðargöngin og Sundabraut. Mat á kostum og göllum einkaframkvæmdar
Á heimasíðu Ríkisendurskoðunar má finna nýútkomna greinargerð, þar sem fjallað er um kosti þess og galla að láta einkaaðila en ekki ríkið sjá um rekstur samgöngumannvirkja.
Niðurstöðurnar eru mjög áhugaverðar, ekki síst þar sem reynsla af undirbúningi og framkvæmd við gerð Hvalfjarðarganga er notuð til að meta væntanleg áform um gerð Sundabrautar.
Lesa meiraFundur vegamálastjóra Evrópu haldinn á Íslandi
Um síðastliðin áramót tók Vegagerðin við forsæti til eins árs í samtökum vegamálastjóra/aðstoðarvegamálastjóra í Evrópu, CEDR (Conference of European Directors of Roads).
Fyrri fundur vegamálastjóranna árið 2006 er haldinn í Reykjavík dagana 31. maí - 2. júní. Fyrsta daginn er undirbúningsfundur ráðgjafanefndar samtakanna sem í sitja forsetar síðustu 2ja ára ásamt núverandi og viðtakandi forsetum. 1. júní er svo fundur allra vegamálastjóra, þar sem farið verður yfir ýmis mál í innra starfi samtakanna. Lesa meira
Nýr vefur Vegagerðarinnar var opnaður þann 24. maí síðastliðinn
Kannanir sem gerðar hafa verið hjá viðskiptavinum Vegagerðarinnar sýna að þeir nota vefinn mikið til að afla sér upplýsinga, og líklegt að það komi enn til með aukast með bættri tölvuþekkingu og bættum tækjabúnaði hjá notendum.
Viðskiptavinir Vegagerðarinnar, hvort sem um er að ræða einstaklinga eða fyrirtæki eiga að geta sparað sér tíma í viðskiptum við Vegagerðina með því að afla sér upplýsinga í gegnum vefinn. Vefurinn verður þannig valkostur við hlið textavarps og síma og er kynningarvettvangur fyrir þjónustu Vegagerðarinnar og þau verkefni sem hún sinnir.
Lesa meiraKönnun á hagkvæmum leiðum til uppbyggingar farsímakerfa á heiðarvegum
Á liðnum árum hefur umræða verið um nauðsyn farsímasambands á þjóðvegum landsins í öryggisskyni og af þeim sökum hefur Vegagerðin haft það til skoðunar að stuðla að slíkri uppbyggingu
Vegagerðin hefur reynt að meta slíka framkvæmd og er ljóst að um er að ræða mjög kostnaðarsamt verkefni og því vildi Vegagerðin kanna möguleika á hagkvæmari útfærslum til að ná settu marki. Vegagerðin leitaði til Merkja- og fjarskiptastofu Verkfræðistofnunar Háskóla Íslands til að framkvæma slíka athugun og átti sú vinna sér stað á árinum 2003 og 2004.
Lesa meiraRauði krossinn veitir viðurkenningar fyrir starf að umferðaröryggismálum
Samningur um gerð Héðinsfjarðarganga
Umferðaröryggi í brennidepli
Austurríkismenn stýra Evrópu-sam-band-inu á fyrri hluta ársins 2006 og eitt megin áhersluefni þeirra þann tíma er umferðaröryggi. Af því tilefni boðuðu þeir til Evrópuráðstefnu um þau mál í Vínarborg í janúar 2006, þar sem margt athyglisvert kom fram. Þar sem efnisflokkurinn er mjög stór var umfjöllunin þrengd með því að beina sjónum fyrst og fremst að -öryggi vegamannvirkja en í þetta sinn síður að ökutækjum og ökumönnum. Fyrirlestrum og um-ræð-um var skipað niður í fjóra efnisflokka, sem um leið greina hvernig nú er unnið að flokkun umferðaröryggisstjórnunar vega í Evrópu, auk þess sem fjallað var um hagfræðilegt mat á umferðaröryggisáætlunum.
Lesa meiraMiðdalsgil á Bröttubrekku
Þegar nýr vegur var lagður yfir Bröttubrekku 2001-2003 var ráðgert að rífa gömlu brúna yfir Miðdalsgil á Bröttubrekku.
Geir Jónsson í Dalsmynni, Þór Konráðsson hjá Arnarfelli ehf. og fleiri góðir menn höfðu hins vegar áhuga á að lagfæra brúna og koma henni í upphaflegt horf. Fór svo að Geir fékk brúna til varðveislu með leyfi landeiganda sem er Stafholtskirkja.
Lesa meiraAthugun á rannsóknargögnum v. vegganga til Vestmannaeyja
Sérfræðingar hafa, að beiðni Vegagerðarinnar, farið yfir fyrirliggjandi rannsóknargögn vegna hugmynda um veggöng milli lands og Eyja, og skilað meðfylgjandi skýrslu.
Gerð er grein fyrir almennum aðstæðum til gangagerðar milli Vestmannaeyja og lands í ljósi nýjustu rannsókna sem farið hafa fram á svæðinu. Þar eru viðamestar rannsóknir ÍSOR sem fram fóru sumarið 2005 og skýrsla þar um sem kom út í nóvember 2005.