Rally á þjóðvegum landsins
Framkvæmd:- Framkvæmdastjóri rallýaksturs
gerir keppnisáætlun um rallýakstur í byrjun hvers árs þar sem kemur fram
hvar og hvenær áætlað er að halda hverja keppni ásamt tillögu að
leiðavali. Hann sendir áætlunina til yfirmanns upplýsingaþjónustu til
samþykktar um leiðaval og tímasetningar.
- Yfirmaður upplýsingaþjónustu
samþykkir keppnisáætlun í samráði við yfirmann þjónustustöðvar og
svæðisstjóra á viðkomandi svæði. Hann kynnir framkvæmdastjóra
rallýaksturs umsagnir og vekur athygli á því ef einhverjar leiðir eru utan
þjóðvega og veitir upplýsingar um veghaldara.
- Yfirmaður upplýsingaþjónustu
heldur fund með fulltrúum rallýakstur og á tímabilinu mars - apríl þar sem
keppnisáætlanir eru kynntar. Fulltrúum rallýaksturs eru
kynntar reglur sem gilda um merkingar rallysvæða.
- Yfirmaður upplýsingaþjónustu
getur afturkallað leyfi til keppnishalds ef ástæða þykir.
- Yfirmaður þjónustustöðvar tekur
mið af keppnisáætlun við þjónustu þeirra leiða sem valdar hafa
verið.
- Framkvæmdastjóri rallýaksturs
og viðkomandi yfirmaður þjónustustöðvar taka út rallýleiðirnar ef talið er
að vegir hafi skemmst, skrá niðurstöður athugana og senda til svæðisstjóra
og yfirmanns umsjónardeildar / tæknideildar á viðkomandi svæði.
- Ef leiðir hafa skemmst mikið af
völdum rallýaksturs áskilur Vegagerðin sér rétt til að innheimta kostnað
hjá keppnishaldara við lagfæringar á skemmdunum.
Markmið með þessum vinnubrögðum er að lágmarka óþægindi og kostnað við viðgerðir vega eftir Rallykeppni.
Reglur um merkingar rallysvæða
- Keppnishaldarar setja upp merki við alla þá vegi sem eru lokaðir hverju sinni með sólarhrings fyrirvara.
- Allar merkingar skal taka niður strax að lokinni keppni.
- Stærð skilta skal vera (1,40x1,50 m) og uppfylla almenn ákvæði reglugerðar um umferðarmerki.
- Skiltin skulu hafa eftirfarandi útlit.