Jafnréttisáætlun

Stefna

Það er stefna Vegagerðarinnar að stuðla að því að jafna stöðu kynjanna hjá Vegagerðinni. Allir starfsmenn skulu njóta sömu tækifæra og sambærilegra réttinda og er kynbundin mismunun óheimil, í hvaða formi sem hún birtist. Hjá stofnuninni á að ríkja launajafnrétti og skal jafnréttis gætt við ráðningar og tilfærslur í starfi. Jafnréttissjónarmið skulu metin til jafns við önnur sjónarmið þegar ráðið er í stöður hjá Vegagerðinni. Litið er á endur- og símenntun sem mikilvægan þátt í því að efla og viðhalda mannauði Vegagerðarinnar og þar skal gæta jafnréttis þegar veitt er heimild til endur- og símenntunar. Vegagerðin ber virðingu fyrir skyldum starfsmanna gagnvart fjölskyldu og er mikilvægt að starsfólki séu skapaðar aðstæður til að samræma vinnu og einkalíf. Koma skal fram við alla starfsmenn af virðingu. Kynferðisleg áreitni/einelti líðst ekki.

Launajafnrétti

Markmið

• Það er markmið Vegagerðarinnar að laun og önnur starfskjör eða hlunnindi verði sambærileg fyrir sambærileg störf. Ákvarðanir sem hafa áhrif á kjör skulu byggjast á málefnanlegum forsendum og jafnréttis gætt.

Aðgerðir

• Kynna launakerfið fyrir starfsfólki, hvernig ákvarðanir eru teknar, og aðkomu starfsfólks að þeim.
• Greining á því hvernig laun og hlunnindi eru greidd og bera saman sambærileg störf.
• Skoða hvaða leiðir eru til að meta og bera saman verðmæti mismunandi starfa.
• Ef leiddar eru að því líkur að launamismunun sé til staðar vegna kynferðis skulu yfirmenn, í samvinnu við starfsmannadeild sýna fram á að aðrar ástæður en kynferði hafi legið til grundvallar eða breyta launaákvörðunum.

Laus störf

Markmið

• Laust starf hjá Vegagerðinni skal standa opið jafnt körlum sem konum.
• Að jafna hlut kynja í störfum almennt.
• Við úthlutun verkefna og skipan í nefndir og stjórnir á vegum Vegagerðarinnar skal eftir því sem við verður komið, leitast við að hlutfall kynjanna sé sem jafnast.

Aðgerðir

• Í auglýsingum um laus störf skal vera hvatning um að konur jafnt sem karlar sæki um stöðuna. Ef tveir jafnhæfir einstaklingar sækja um auglýsta stöðu, skal sá af því kyni sem er í minnihluta í slíkum störfum hjá Vegagerðinni öðru jöfnu ganga fyrir við ráðningu.
• Í ráðningarviðtölum skal þess gætt að sambærilegar spurningar séu lagðar fyrir einstaklinga af báðum kynjum. Stjórnendur skulu halda saman þeim upplýsingum sem lagðar eru til grundvallar ráðningum.
• Við úthlutun verkefna og tilfærslur í störfum svo og við ákvarðanir á starfsaðstæðum skal þess gætt að starfsmönnum sé ekki mismunað á grundvelli kynferðis.
• Greining á hlutfalli kynja í nefndum og ráðum á vegum Vegagerðarinnar.

Endur- og símenntun

Markmið

• Það er markmið Vegagerðarinnar að allir starfsmenn eigi kost á að sækja sér endur- og símenntun og ákvarðanir um úthlutun námsleyfa skulu byggjast á málefnanlegum forsendum og jafnréttis gætt.

Aðgerðir

• Árleg kynjagreind greining á sókn í endur– og símenntunog í starfsþjálfun
• Árleg greining á því hverjir séu að sækja sér endur- og símenntun.

Samræming fjölskyldu- og atvinnulífs

Markmið

• Stuðla að því að jafnvægi og samræmi ríki milli starfs og einkalífs hjá starfsfólki óháð kynferði.
• Starfsfólk skal eiga kost á sveigjanleika í skipulagningu á vinnu og vinnutíma eftir því sem við verður komið og leitað ráða til að koma til móts við mismunandi þarfir fólks og gæta jafnræðis.
• Tekið skal tillit til mismunandi aðstæðna skal vera möguleiki á að minnka tímabundið vinnu til að sinna fjölskylduábyrgð (ef aðstæður leyfa).

Aðgerðir

• Skoða hvaða möguleikar eru til að auka sveigjanleika og auka jafnræði starfsfólks varðandi sveigjanleika óháð kynferði.
• Gætt skal þess að möguleikar á hlutastörfum séu jafnir á milli kynja.
• Upplýsa starfsfólk um lögvarinn rétt til fæðingar- og foreldraorlofs.

Framkvæmd og ábyrgð

Ábyrgð

Ábyrgð á framgangi jafnréttismála eru hjá jafnréttisfulltrúa sem skipaður er af vegamálastjóra, þó beri yfirmenn sviða og svæða ábyrgð á að einstökum ákvæðum jafnréttisáætlunarinnar sé framfylgt innan hvers sviðs eða svæðis.

Hlutverk jafnréttisfulltrúa er að fylgja markmiðum Vegagerðarinnar í jafnréttismálum og skal gefa út ársskýrslu sem sýnir árangur jafnréttisstefnu og ástand jafnréttismála hjá Vegagerðinni. Jafnréttisfulltrúi skal jafnframt vinna að því að jafnréttisáætlun sé framfylgt og viðhaldið og leggja mat á hvort markmiðum hennar sé náð. Hann er einnig ráðgjafi starfsmanna og yfirstjórnar í jafnréttismálum.

Kynning og endurskoðun jafnréttisáætlunar

Jafnréttisáætlun skal kynnt fyrir öllum starfsmönnum Vegagerðarinnar og gerð grein fyrir hvert hægt er að leita með athugasemdir. Jafnréttisáætlun skal endurskoða á hverju ári og tekur endurskoðun meðal annars mið af könnun á árangri áætlunarinnar. Jafnréttisáætlun skal vera aðgengileg starfsmönnum á innra neti stofnunarinnar og jafnframt aðgengileg á heimasíðu Vegagerðarinnar.

Aðgerðir

_{Útgáfudagur: 19.05.2006}