Gæðastefna

Það er hlutverk Vegagerðarinnar að þróa og sjá um vegakerfið á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi

Með gæðin að leiðarljósi ætlar Vegagerðin að ná meginmarkmiðum sínum en þau eru eftirfarandi:

• Greiðar samgöngur með góðri þjónustu
  
• Hagkvæm uppbygging og rekstur vegakerfisins
  
• Umferðaröryggi sé á við það sem best gerist
  
• Góð sambúð vegar og umferðar við umhverfi og íbúa
  
• Vel skipulögð og skilvirk starfsemi
• Ánægt, hæft og gott starfsfólk

Til að sinna hlutverkinu á sem árangursríkastan hátt ætlar Vegagerðin að vinna að auknum gæðum í starfsemi sinni miðað við þarfir vegfarandans og með tilliti til umhverfis og öryggis.

Stjórnendur Vegagerðarinnar munu hafa forystu um gæðamál og virkja og hvetja samstarfsmenn til að:

• Vinna verkin rétt frá upphafi og tryggja gæði áætlana, framkvæmda og þjónustu
• ná réttum gæðum í allri sinni starfsemi með sem minnstum kostnaði
• skilgreina gæðakröfur til mannvirkja og starfseminnar sem mótast af þörfum vegfarenda og samfélags
• stilla saman gæðum vega og umhverfi þannig að vegagerð sé í sátt við náttúruna og vegir falli að þörfum og öryggi vegfarenda
• miðla upplýsingum, sem eru öruggar og skiljanlegar, til almennings og stjórnvalda
• stunda símenntun og miðla þekkingu til annarra starfsmanna

Vegagerðin mun starfrækja virkt gæðakerfi, sem tekur mið af ISO 9001 og beita aðferðum gæðastjórnunar til að ná árangri.

_{Útgáfudagur: 23.05.2005}