Vegagerðin

Fréttir

Ferðavenjur á höfuðborgarsvæðinu

Ríflega helmingur aðspurðra fer aldrei með strætisvagni, en um 14 prósent fara einu sinni til tvisvar í viku í strætisvagni, aðrir sjaldnar. Rúm 12 prósent hjóla að staðaldri og nærri 49 prósent hluta úr ári. En 39 prónsent hjóla aldrei, færri en þeir sem aldrei fara í strætó.

Þetta kemur fram í ferðavenjukönnun sem sveitarfélögin á höfuðborgarsvæðinu og Vegagerðin létu gera í október til desember á síðasta ári. Niðurstöðurnar má finna í fréttinni, heildarniðurstöður og svo eftir sveitarfélögum og hverfum.

Lesa meira

Óvirk ljós, Hafnarfjarðavegur við Álftanesveg

Aðfararnótt miðvikudags 8. febrúar, er áætlað að ljúka breytingum á umferðarljósum á gatnamótum Hafnarfjarðarvegar við Álftanesveg og Fjarðarhrauns í Engidal, Hafnarfirði.

Á meðan þessi vinna fer fram verða umferðarljósin óvirk, það er frá miðnætti til um kl. 5:30 á miðvikudagsmorgni. Umferð verður heimiluð um gatnamótin en hámarkshraði lækkaður í 30 km/klst á meðan. Vegfarendur eru beðnir velvirðingar á óþægindum og beðnir að fylgja þeim merkingum sem uppi eru á vinnusvæðinu.

Lesa meira

Sjá eldri fréttir

Tilkynningar um færð og ástand

08.02.2012 kl. 21:17

Ábending frá veðurfræðingi

Frystir víða við yfirborð nú síðdegis og myndast lúmsk ísing þar sem vegir eru blautir, einkum sunnan- og vestalands. Þá er spáð snjómuggu eða slyddu um tíma í kvöld víða suðvestantil, um Borgarfjörð og norður í land með smálægð sem fer hratt norðaustur yfir landið.

Færð og aðstæður

Hálka og éljagangur er á Sandskeiði, Þrengslum og Hellisheiði. Hálka eða hálkublettir eru nokkuð víða á Suðurlandi.

Á Vesturlandi og Vestfjörðum er hálka á helstu fjallvegum en hálkublettir á láglendi. Flughált er á Bjarnarfjarðarhálsi og norður í Gjögur.

Hálka er í Húnavatnssýslum og á Þverárfjalli annars er að mestu autt á Norðurlandi.

Vegir eru auðir á Austurlandi en snjóþekja er nokkuð víða á Suðausturlandi.

Þungatakmarkanir

Þungatakmarkanir eru nú víða um land.

Misjafnir þjónustutímar

Vegfarendur eru beðnir að hafa í huga að víða er ekki mokstur eða önnur þjónusta á vegum, á kvöldin og yfir nóttina. Þá eru sumir vegir ekki í þjónustu nema fáa daga í viku. Upplýsingar um þjónustutíma eru á vef Vegagerðarinnar og í síma 1777.