Skipurit Vegagerðarinnar var síðast endurskoðað árið 2004 og tók núverandi skipurit gildi þann 1. mars 2004.

Ástæður endurskoðunar eru þær breytingar sem orðið hafa á ytra umhverfi Vegagerðarinnar frá síðustu endurskoðun þar á undan, sem unnin var árið 1999. Má þar nefna breytingu á kjördæmaskipan landsins sem óhjákvæmilega hefur áhrif á starfsemi stofnunar eins og Vegagerðin er. Ný lög hafa einnig tekið gildi um samgönguáætlun, sem markar ramma fyrir aukið samstarf og samvinnu við aðrar stofnanir á samgöngusviði.   Skipurit

Í framhaldi af gildistöku nýs skipurits voru meginmarkmið Vegagerðarinnar endurskoðuð.  Þau eru í dag þessi:

• Greiðar samgöngur með góðri þjónustu
• Hagkvæm uppbygging og rekstur vegakerfisins
• Umferðaröryggi sé á við það sem best gerist
• Góð sambúð vegar og umferðar við umhverfi og íbúa
• Vel skipulögð og skilvirk starfsemi
• Ánægt, hæft og gott starfsfólk

Stefnur stofnunarinnar voru ennfremur endurskoðaðar, en þær má sjá í valmyndinni hér til vinstri.