Fréttir

Þingvallavegur opnaður á Degi íslenskrar náttúru - 16.9.2019

  • Ari Trausti Guðmundsson, Bergþóra Þorkelsdóttir og Sigurður Ingi Jóhannsson klipptu á borðann.

Þingvallavegur var formlega opnaður í dag, á Degi íslenskrar náttúru. Sigurður Ingi Jóhannsson samgönguráðherra, Ari Trausti Guðmundsson formaður Þingvallanefndar og Bergþóra Þorkelsdóttir forstjóri Vegagerðarinnar klipptu á borða á veginum sem hefur verið endurbættur verulega á átta kílómetra kafla frá þjónustumiðstöðinni á Þingvöllum og í austurátt. Að athöfn lokinni var haldið málþing í Hakinu.

Lesa meira

Vegagerðar appið aflagt - 11.9.2019

  • Vegagerðarappið
Vegagerðarappið verður lagt niður þar sem notkun þess stóðst engan vegin væntingar og kostnaður er töluverður. Bæði er nokkur kostnaður við rekstur appsins og einnig við óhjákvæmilega áframhaldandi þróun til að viðhalda því. Notendur kjósa frekar að nota vef Vegagerðarinnar fyrir þessar upplýsingar.  Lesa meira

Ákvörðun Vegagerðarinnar um veghald Ófeigsfjarðarvegar (F649) stendur - 10.9.2019

Samgönguráðuneytið hefur úrskurðað að ákvörðun Vegagerðarinnar varðandi eignarétt, veghald og vegagerð á Ófeigsfjarðarvegi (F649) frá 24. júlí skuli standa. Ráðuneytið felst á að vegurinn teljist þjóðvegur og að Vegagerðinni hafi þar með verið heimilt að fela Vesturverki ehf. tímabundið veghald vegarins með heimild í vegalögum. Lesa meira

Breikkun Vesturlandsvegar - 4.9.2019

  • Yfirlit yfir fyrirhugaðar framkvæmdir vegna breikkunar Vesturlandsvegar á kaflanum milli Varmhóla og Hofsvíkur.

Vegagerðin, í samráði við Reykjavíkurborg, hefur undanfarið unnið að undirbúningi vegna breikkunar Vesturlandsvegar á um 9 km kafla milli Varmhóla og vegamóta Hvalfjarðarvegar. Um er að ræða breikkun Vesturlandsvegar í 2+1 veg ásamt gerð þriggja hringtorga.

Lesa meira