Skipulag
Vegagerðin skiptist í Miðstöð og fjögur svæði.
Í miðstöð fer fram vinna við stefnumótun fyrir Vegagerðina og stjórnun hennar í heild.
Svæði Vegagerðarinnar eru Suðursvæði, Suðvestursvæði, Norðvestursvæði og Norðaustursvæði. Svæðaskiptingin fylgir í aðalatriðum kjördæmamörkum. (Reykjavíkur- og Suðvesturkjördæmi á einu svæði). Svæðismiðstöðvar eru á Selfossi, í Reykjavík, í Borgarnesi og á Akureyri.
Hvert svæði um sig annast framkvæmdir, viðhald og rekstur vegakerfisins og sér um að veita vegfarendum þjónustu innan svæðisins.
Kort af svæðaskiptingu Vegagerðarinnar með PDF sniði
Yfirstjórn Vegagerðarinnar samanstendur af vegamálastjóra, aðstoðarvegamálastjóra og framkvæmdastjórum sviða í Reykjavík.
Yfirstjórnin tekur ákvarðanir um stefnu og stjórnun stofnunarinnar og þau atriði sem ganga þvert á starfsemi sviða, svæða, umdæma og deilda. Yfirstjórn tekur ákvarðanir um rekstraráætlanir stofnunarinnar og afgreiðir erindi og verkefni sem Vegagerðinni berast eftir nánari ákvörðun vegamálastjóra.
Yfirstjórn skipa:
Hreinn Haraldsson, vegamálastjóri
Gunnar Gunnarsson, aðstoðarvegamálastjóri
Jón Helgason, framkvæmdastjóri framkvæmdasviðs
Kristín H. Sigurbjörnsdóttir, framkvæmdastjóri stjórnsýslusviðs