Umferðarþjónusta - Tilkynning - 26.9.2017
Ábending frá veðurfræðingi
26. sept kl. 13:00: Vakin er athygli á því að í nótt og fram eftir morgundeginum er reiknað með stórrigningu suðaustanlands. Henni fylgja vatnavextir og aukin hætta á grjóthruni og skriðuföllum. Einkum er um að ræða hringveginn frá Mýrdalssandi austur um Fáskrúðsfjörð, en líka á hálendinu og fjallvegum þessa landshluta.
Krýsuvíkurvegur við Reykjanesbraut
Í dag, 26. september, verður Krýsuvíkurvegi lokað, milli Rauðhellu og hringtorgs við Hraunhellu / Hringhellu. Merkt hjáleið fyrir umferð er um Rauðhellu og Hringhellu á meðan Krýsuvíkurvegur er lokaður.
Þjóðbraut lokuð ofan Smiðjuvalla
Vegna framkvæmda er Þjóðbraut nú lokuð ofan Smiðjuvalla. Eðlileg umferð er á hringtorgi við Aðalgötu. Hjáleið er um Smiðjuvelli og Aðalgötu, eða Grænásveg. Verklok eru áætluð 10. október.Framkvæmdir á Krýsuvíkurvegi
Unnið er við mislæg vegamót Reykjanesbrautar og Krýsuvíkurvegar í Hafnarfirði. Umferð fer á kafla um hjáleið á Reykjanesbraut sunnan Hafnarfjarðar. Leyfður umferðarhraði þar er 50 km/klst. Vegna sprenginga þarf að stöðva umferð á Reykjanesbraut í stutta stund, allt að þrisvar sinnum á dag.
Borgarfjarðarbrú
Nú er unnið að lokaáfanga gólfviðgerðar á Borgarfjarðarbrú. Umferð er stýrt með ljósum. Verkinu á að ljúka 14. nóvember.
Vaðlaheiðarvegur
Vaðlaheiðarvegur 832 er opinn að hluta, þ.e. 12 km kafli upp úr Eyjafirði en vegna framkvæmda við Vaðlaheiðargöng í Fnjóskadal er ekki hægt að láta umferð fara um vinnusvæðið við Skóga. Því er veginum lokað við Ytra Nesgil og öll umferð upp úr Fnjóskadal er bönnuð.