Umferðarþjónusta - Tilkynning
Hvalfjarðargöng
Búast má við minniháttar töfum í Hvalfjarðargöngum í nótt aðfaranótt 18.12. 2014 frá kl.00:30 og fram undir morgun vegna vinnu við vegbúnað.
Færð og aðstæður
Það er hálka og skafrenningur á Sandskeiði, Hellisheiði og í Þrengslum en hálkublettir eða hálka á Reykjanesbraut. Hálka er annars á flestum öðrum leiðum á Suðurlandi.
Holtavörðuheiði er lokuð en hægt er að fara hjáleið um Laxárdalsheiði og Bröttubrekku. Hálka er á flestum leiðum á Vesturlandi en ófært á Fróðárheiði og þungfært yfir Heydal. Snjóþekja og skafrenningur er á Svínadal.
Á Vestfjörðum snjóþekja á Steingrímsfjarðarheiði, Þröskuldum og víða éljagangur eða snjókoma. Þæfingsfærð er milli Brjánslækjar og Kleifaheiðar og í Patreksfirði. Hálka er á Kleifaheiði en snjóþekja á Klettshálsi, Mikladal og Hálfdán.
Lokað er á Þverárfjalli en snjóþekja og snjókoma á flestum leiðum í Húnavatnssýslu. Flughálka með stórhríð er frá Sauðárkróki að Hofsósi og í Hjaltadal. Ófært er frá Hofsósi að Siglufirði og þungfært í Út -Blönduhlíð.
Nú er búið að opna Öxnadalsheiði en þar er þæfingsfærð og skafrenningur og áfram unnið að útmokstri. Hálka og skafrenningur er á Víkurskarði og á flestum vegum á Norðurlandi eystra en þæfingsfærð á Hólasandi.
Hálka er á Fagradal, Fjarðarheiði og Oddskarði og hálka eða snjóþekja á vel flestum vegum á Austur- og Suðausturlandi. Flughálka er á kafla undir Eyjafjöllum.
Siglufjarðarvegur
Vegna óvenju mikils jarðsig á Siglufjarðarvegi eru vegfarendur beðnir að gæta ýtrustu varúðar.
Hæðatakmörkun á Breiðholtsbraut við Norðlingaholt
Verið er að byggja göngubrú milli Seláss og Norðlingaholts og því hafa verið settar
upp hæðarslár á Breiðholtsbraut í báðar áttir sunnan hringtorgs við Rauðavatn.
Fyrst er komið að hliði með skynjurum sem setja af stað blikkljós og flautur á seinna hliðinu. Á seinna hliðinu eru slár yfir götuna í hæð 4,35 yfir malbiki. Hámarkshraði í gegnum vinnusvæði er 30 km/klst. Hægt er að aka hjáleið um Suðurlandsveg og Norðlingabraut.
Lokun vegna eldsumbrota
Almannavarnir hafa lokað leiðum á hálendinu Norðausturlands, norðan Dyngjufjalla. Vegurinn vestan við Dettifoss er einnig lokaður að hluta. Hægt er að sjá lokuð svæði hér.
Hreindýr á Austur- og Suðausturlandi
Vegagerðin og Náttúrustofa Austurlands vara vegfarendur við umferð hreindýra á Austur- og Suðausturlandi. Sjá staðsetningu hreindýra hér.
Akstur á hálendisvegum yfir veturinn
Hálendisvegir eru aðeins í þjónustu yfir sumarið og utan þess tíma er færð ekki könnuð. Á haustin þegar snjóað hefur til fjalla, eru vegirnir merktir ófærir í varúðarskyni þar sem miklar líkur eru á að færð hafi spillst. Yfir veturinn er akstur á hálendisvegum að jafnaði ekki óheimill, séu menn á nægilega stórum tækjum en aksturinn er á ábyrgð ökumanns. Mikilvægt er að fara ekki út í óþarfa tvísýnu og hafa í huga að víða er takmarkað símasamband. Nú er akstur þó bannaður á ákveðnum vegum vegna eldsumbrotanna og eins er akstur á hálendisvegum bannaður á vorin þegar frost er að fara úr jörð, til að koma í veg fyrir skemmdir á vegum og náttúru.