Umferðarþjónusta - Tilkynning
Færð og aðstæður
Það er hálka og skafrenningur á Sandskeiði og Hellisheiði en einnig hálka eða hálkublettir á flestum öðrum vegum á Suðurlandi. Þæfingsfærð er á Lyngdalsheiði.
Á Vesturlandi er mest megnis hálka eða snjóþekja.
Hálka eða snjóþekja og skafrenningur er á flestum leiðum á Vestfjörðum. Þæfingsfærð og skafrenningur er á Hjallhálsi. Á vegi 60 er umferð vísað um vetrarveg við Bæjardalsá og Geiradalsá.
Á Norðvesturlandi er snjóþekja eða hálka á flestum leiðum en á Norðausturlandi er einnig snjóþekja eða hálka en þar er meira um skafrenning eða éljagang.
Hálka eða snjóþekja er á Austurlandi og skafrenningur víða. Þæfingsfærð og skafrenningur er á Möðrudalsöræfum, Vatnsskarði eystra og á Fjarðarheiði.
Hálka er með suðausturströndinni.
Umferðartafir í Strákagöngum
Vegna vinnu við endurbætur á rafkerfi í Strákagöngum má búast við umferðartöfum þar á virkum dögum frá klukkan 8:00 til 18:00. Vegfarendur eru beðnir að sýna tillitssemi og virða hraðatakmarkanir.
