Umferðarþjónusta - Tilkynning - 7.6.2018

Framkvæmdir á Höfuðborgarsvæðinu

Í dag, fimmtudaginn 7.júní er unnið að því að malbika ramp frá Breiðholtsbraut niður að Reykjanesbraut. Rampinum verður lokað og hjáleið verður um Dalveg.
Áætlað er að framkvæmdirnar standi yfir milli kl. 13:00 og 21:00.

Aðfaranótt föstudags 8. júní er stefnt að því að malbika báðar akreinar á Bústaðarvegi, frá gatnamótum við Suðurhlíð að brú yfir Kringlumýrabraut. Þrengt verður í eina akrein á meðan framkvæmdum stendur. Búast má við lítilsháttar umferðartöfum. Áætlað er að framkvæmdirnar standi yfir milli 19:00 og 07:00.

Föstudaginn 8. júní er stefnt að því að fræsa og malbika hægri akrein á Reykjanesbraut við Vogaveg í átt að bænum. Þrengt verður um eina akrein og búast má við lítilsháttar umferðartöfum. Áætlað er að framkvæmdirnar standi yfir milli 05:00 og 21:00.

Vegfarendur eru beðnir um að virða merkingar og hraðatakmarkanir og sýna aðgát við vinnusvæðin sem eru þröng og menn og tæki eru við vinnu mjög nálægt akstursbrautum.

Akstursbann á hálendisvegum

Akstursbann er nú á fjölmörgum hálendisvegum og -slóðum sem eru mjög viðkvæmir meðan frost er að fara úr jörð. Því miður ber talsvert á því að ökumenn virði ekki merkingar um þessar lokanir sem settar eru á til að hlífa bæði vegunum sjálfum og náttúrunni í kringum þá fyrir átroðningi og skemmdum sem auðveldlega verða á þessum árstíma. Því er rétt að árétta að það er lögbrot að fara inn á veg framhjá merkinu allur akstur bannaður. Sjá nánar hér