Umferðarþjónusta - Tilkynning - 7.3.2018

Færð og aðstæður

Vegir eru greiðfærir á Suður- og Suðvesturlandi, og á Vesturlandi eru víðast aðeins hálkublettir eða vegir alveg auðir. Þó er hálka á Svínadal.

Vetrarfærð er á Vestfjörðum, víðast hvar nokkur hálka og sums staðar skafrenningur. Þæfingsfærð er á Steingrímsfjarðarheiði eins og er. Verið er að opna Bjarnarfjarðarháls.

Á Norðurlandi eru vegir að miklu leyti auðir austur í Skagafjörð en þar fyrir austan hefur éljað og er víðast  hálka eða snjóþekja.

Eins er snjóþekja eða hálka á flestum vegum á Austurlandi en vegir með suðausturströndinni eru hins vegar mikið til auðir frá Höfn suður um.

Skemmdir á slitlagi

Eftir veðurfarið að undanförnu hefur mikið borið á slitlagsskemmdum á vegum. Á þessum árstíma er aðeins hægt að bregðast við með ófullkomnum bráðabirgðaviðgerðum og því eru vegfarendur beðnir að sýna sérstaka aðgát við þessar aðstæður.