Umferðarþjónusta - Tilkynning - 5.3.2018
Færð og aðstæður
Vegir eru að heita má greiðfærir á Suður- og Suðvesturlandi en hálkublettir eru á köflum á Snæfellsnesi og í Dölum, raunar hálka á Svínadal.
Vetrarfærð er á vegum á Vestfjörðum. Þar hefur víða éljað og bætt í vind svo að sums staðar er þæfingsfærð og nokkuð blint. Þungfært er á Klettshálsi og Steingrímsfjarðarheiði.
Hálka er óveruleg á Norðurlandi vestra en frá Eyjafirði og austur á Austurland og Austfirði er víðast hvar hálka eða snjóþekja og allvíða éljagangur og skafrenningur.
Á Suðausturlandi er éljagangur og víða nokkur hálka eða snjóþekja.
Skemmdir á slitlagi
Eftir veðurfarið að undanförnu hefur mikið borið á slitlagsskemmdum á vegum. Á þessum árstíma er aðeins hægt að bregðast við með ófullkomnum bráðabirgðaviðgerðum og því eru vegfarendur beðnir að sýna sérstaka aðgát við þessar aðstæður.
Þungatakmarkanir
Vegna hættu á slitlagsskemmdum hefur viðauki 1 sums staðar verið felldur úr gildi og ásþungi takmarkaður við 10 tonn. Á fáeinum vegum er ásþungi takmarkaður við 7 tonn. Sjá nánar hér
Þingskálavegur
Þingskálavegur (vegur 268) er ófær vegna vatnaskemmda ofan við bæinn Hóla.
Hreindýr á Austur- og Suðausturlandi
Vegagerðin og Náttúrustofa Austurlands vara vegfarendur við umferð hreindýra á Austur- og Suðausturlandi.