Umferðarþjónusta - Tilkynning - 21.6.2018

Ábendingar frá veðurfræðingi 21. júní kl: 11:30 

Litur: Gulur
Hvöss sunnanátt á vestanverðu landinu í dag, 13-20 m/s. Hvassast á norðanverðu Snæfellsnesi og vindhviður jafnvel yfir 30 m/s. Lægir í nótt.

Malbikun á Ísafirði

Í dag og á morgun verður Skutulsfjarðarbraut á Ísafirði malbikuð milli hringtorgs og Vestfjarðavegar (60). Búast má við lítilsháttar umferðartöfum og bent er á hjáleið um Seljalandsveg. 

Vegfarendur eru beðnir um að virða merkingar og hraðatakmarkanir og sýna aðgát við vinnusvæðin sem eru þröng og menn og tæki við vinnu mjög nálægt akstursbrautum.

Krýsuvíkurvegur lokaður á sunnudaginn

Krýsuvíkurvegur verður lokaður vegna Íslandsmóts í hjólreiðum, sunnudaginn 24. júní frá kl 10:00 til 12:30.

Hálendisvegir

Hálendisvegir eru óðum að opnast. Búið er að opna Kjöl, tvær leiðir af þremur inn í Landmannalaugar og á Austurlandi er opið inn í Kverkfjöll og inn í Öskju.

Engu að síður er enn akstursbann á allmörgum hálendisvegum og slóðum sem eru mjög viðkvæmir meðan frost er að fara úr jörð. Rétt er að ítreka að það er lögbrot að fara inn á veg sem merktur er með skiltinu allur akstur bannaður. Sjá nánar hér

Lokanir í jarðgöngum undir Breiðadalsheiði

Vegna vinnu við vatnsvarnir verður Breiðadalsleggur (til/frá Önundarfirði) lokaður yfir nóttina virka daga, frá miðnætti  til kl. 7:00. - Óljóst er hversu langan tíma þetta tekur en reikna má með megninu af júní. Þetta hefur ekki áhrif á umferð milli Súgandafjarðar og Skutulsfjarðar.