Umferðarþjónusta - Tilkynning - 12.2.2019

Ábending frá veðurfræðingi þriðjudaginn 12. febrúar kl. 08.30

Kröpp lægð fer í dag norður um vestanvert landið.  Varað er við sviptingum í vindi saman með snjó og krapa frá um kl. 11. Einkum á Snæfellsnesi, sunnanverðum Vestfjörðum,  Bröttubrekku, Holtavörðuheiði og norður í land frá um kl. 11 og þar til síðdegis. 

Færð á vegum

Suðvesturland: Víða eru vegir greiðfærir en eitthvað um hálkubletti. Flughálka er á Kjósarskarði og á Grafningsvegi.

Vesturland:  Hálka og óveður er á Holtavörðuheiði. Hálka eða snjóþekja á flestum öðrum leiðum.  Flughálka er víða í uppsveitum Borgarfjarðar og á Laxárdalsheiði. Á Snæfellsnesi er flughálka er á mill Fróðárheiðar og Arnarstapa annars hálka, hálkublettir eða snjóþekja.

Vestfirðir: Hálka, hálkublettir eða snjóþekja á flestum vegum og víða skafrenningur á fjallvegum.

Norðurland: Hálka eða snjóþekja á flestum leiðum. Hálka og skafrenningur er á Öxnadalsheiði.

Norðausturland: Snjóþekja eða hálka er á flestum leiðum. Hálka og skafrenningur á Vopnafjarðarheiði.  

Austurland: Hálka, hálkublettir eða snjóþekja á vegum. Hálka og skafrenningur er á Fjarðarheiði.

Suðausturland: Hálkublettir eru á öllum leiðum.  

Suðurland: Suðurlandsvegur er að mestu greiðfær en hálkublettir á útvegum.