Umferðarþjónusta - Tilkynning - 11.3.2018

Færð og aðstæður

Vegir á Suður- og Suðvesturlandi eru að mestu greiðfærir en hálkublettir eru á köflum á Suðurnesjum. 

Hálka eða hálkublettir eru á Snæfellsnesi en flughált og skafrenningur er á Útnesvegi. Vegir á Vesturlandi eru annars mikið til greiðfærir en hálkublettir sumstaðar á fjallvegum.

Á Vestfjörðum er víða hálka eða snjóþekja og nokkuð víða skafrenningur. Þæfingsfærð er á köflum eftir snjókomu í nótt en unnið er að hreinsun.

Á Norðurlandi vestra eru hálka eða hálkublettir og einhver éljagangur en þar fyrir austan er víðast hvar hálka, snjóþekja og sumstaðar skafrenningur

Hálka, snjóþekja, snjókoma eða éljagangur er á flestum vegum á Austurlandi og sumstaðar skafrenningur. Vegir með suðausturströndinni eru greiðfærir.

Skemmdir á slitlagi

Eftir veðurfarið að undanförnu hefur mikið borið á slitlagsskemmdum á vegum. Á þessum árstíma er aðeins hægt að bregðast við með ófullkomnum bráðabirgðaviðgerðum og því eru vegfarendur beðnir að sýna sérstaka aðgát við þessar aðstæður.