Áhugi á áætlunarakstri án styrkja
lokafrestur til þátttöku til 30. júlí
Áhugi á því að taka að sér áætlunarakstur án styrkja hefur reysnt nokkur. Ljóst er að áhugi er það mikill á mörgum leiðum að velja þarf á milli rekstraraðila. Lokafrestur til að taka þátt í samkeppni um þennan akstur án styrkja er því gefinn til 30. júlí nk.
Áhugasamir skili upplýsingum til hagdeildar Vegagerðarinnar. Ekki þarf að endurnýja áður innsendar upplýsingar.
Auglýsing um málið:
Áætlunarakstur á Íslandi
Í framhaldi af auglýsingu Vegagerðarinnar, 22. maí sl., eftir aðilum sem hefðu áhuga á að taka að sér áætlunarakstur án styrkja og fundi með rekstraraðilum í greininni þann 7. júlí sl. er hér með gefinn lokafrestur til þátttöku í samkeppni um akstur án styrkja á þeim leiðum sem fram koma í fyrrgreindri auglýsingu.
Í ljós kom áhugi rekstraraðila á að taka að sér akstur án greiðslu á mörgum leiðum og þ.a.l. ljóst að velja þarf á milli rekstraraðila.
Frestur til þess að lýsa yfir áhuga á þátttöku rennur út 30. júlí nk. Eftir þann tíma verður ekki hægt að bætast í hóp þeirra aðila sem vilja taka að sér áætlunarakstur á framangreindum forsendum.
Upplýsingar um hvaða leiðir viðkomandi rekstraraðili hefur áhuga á, tíðni ferða og gjaldskrá óskast sendar til Hagdeildar Vegagerðarinnar, Borgartúni 5-7, 105 Reykjavík eða á netfangið hagdeild@vegagerdin.is
Áður innsendar upplýsingar þarf ekki að endurnýja.
