Samdráttur nær jafnvægi
sami samdráttur í umferðinni tvær vikur í röð
Umferðin á höfuðborgarsvæðinu gæti verið búin að ná einhverskonar jafnvægi í kjölfar afleiðinga kórónuveiru faraldursins með tilheyrandi fækkun ferðamanna og samdrætti almennt í efnahagslífinu. Umferðin hefur dregist gríðarlega saman en samdrátturinn í viku 14 er eigi að síður nú sá sami eða nánast sá sami og vikunni á undan, viku 13.
Nú þegar 14 vikur eru liðnar af árinu 2020 og meðalumferð á sólarhring í hverri viku árið 2020 er borin saman við meðal sólarhringsumferðina í sömu vikum árið 2019 virðist sem samdrátturinn í umferðinni á höfuðborgarsvæðinu hafi verulega hægt á sér eða jafnvel stöðvast, hvað sem síðar verður. En samdrátturinn, í viku 14, var hlutfallslega nokkurn veginn sá sami og í vikunni þar á undan en hann nam þá 39,3%.
Þessi tilhneiging er sammerkt með öllum sniðunum þremur þ.e.a.s. að hægt hafi á samdrætti. Umferð á Hafnarfjarðarvegi dregst lang mest saman í viku 14 eða um tæplega 48% en minnst á Reykjanesbraut eða um tæp 34%.
| Samdráttur eftir sniðum miðað við sömu vikur 2019 | ||
|---|---|---|
| Heiti sniðs | Vika 13 | Vika 14 |
| Hafnarfjarðarvegur við Kópavogslæk | 47,6 % | 47,6 % |
| Reykjanesbraut við Dalveg | 34,3 % | 33,7 % |
| Vesturlandsvegur ofan Ártúnsbrekku | 36,6 % | 36,2 % |
