Hringvegur (1) Biskupstungnabraut - Hveragerði, Ölfusvegur um Varmá, eftirlit
Vegagerðin bauð út eftirlit með útboðsverkinu Hringvegur (1) Biskupstungnabraut – Hveragerði, Ölfusvegur um Varmá. Verkið felur í sér eftirlit með nýbyggingu á u.þ.b. 780 m löngum vegkafla á Ölfusvegi og Sunnumörk í Hveragerði og gerð nýrrar brúar á Varmá norðan Suðurlandsvegar og reiðstígs undir brúna.
Verklok framkvæmdarinnar eru áætluð í september 2022.
Val bjóðanda fór fram á grundvelli hæfismats og verðs og bar bjóðanda að leggja fram tilboð sitt í tveimur hlutum, þ.e. upplýsingar um hæfi bjóðanda og verðtilboð.
Eftir lok tilboðsfrests, þriðjudaginn 14. desember 2021, var bjóðendum tilkynnt um nöfn þátttakenda í útboðinu. Þriðjudaginn 21. desember 2021 var verðtilboð hæfra bjóðenda opnað. Allir bjóðendur uppfylltu hæfisskilyrði útboðsins og stóðust hæfnimat.
Bjóðandi | Tilboð kr. | Hlutfall | Frávik þús.kr. |
Verkís hf., Reykjavík | 12.773.970 | 118,3 | 2.333 |
Áætlaður verktakakostnaður | 10.800.000 | 100,0 | 359 |
Hnit hf., verkfræðistofa, Reykjavík | 10.440.800 | 96,7 | 0 |