Endurbætur á Þingvallavegi (36) um Þjóðgarðinn

5.3.2018

Vegagerðin óskar eftir tilboðum í endurbætur Þingvallavegar (36) frá Þjónustumiðstöðinni að vegamótum við Vallaveg. Lengd útboðskafla er um 8,3 km. Verkið felst í styrkingu og breikkun núverandi vegar með áherslu á að auka umferðaröryggi. Fræsa skal núverandi klæðingu, breikka og hækka / lækka veginn eftir atvikum og leggja nýtt malbik. Sérstök áhersla er lögð á endurheimt staðargróðurs í vegfláa. Vinna skal efni til verksins í námu í Svartagili norðan við Þjónustumiðstöð. Verktími skiptist á árin 2018 og 2019.

Helstu magntölur eru:

•        Efnisvinnsla                                                             18.700 m³
  
•        Skeringar                                                                  17.000 m³
  
•        Fyllingar                                                                    10.000 m³
  
•        Fláafleygar                                                                  5.500 m³
  
•        Styrktarlag                                                                10.800 m³
  
•        Burðarlag                                                                  18.700 m³
  
•        Malbik 6 cm                                                              66.500 m²
  
•        Upptaka, geymsla og frágangur gróðurtorfa      39.000 m²
  
•        Frágangur fláa                                                          40.000 m²
  
•        Ídráttarrör                                                                  8.300 m
  
•        Vegrið                                                                            892 m
  

Verkinu skal að fullu lokið fyrir 1. ágúst 2019.

Útboðsgögn verða seld á minnislykli hjá Vegagerðinni Breiðumýri 2 á Selfossi og Borgartúni 7 í Reykjavík (móttaka) frá og með þriðjudeginum 6. mars 2018. Verð útboðsgagna er 4.000 kr.

Skila skal tilboðum á sömu stöðum fyrir kl. 14:00 þriðjudaginn 20. mars 2018 og verða þau opnuð kl. 14:15 þann dag.