Göngubrú yfir Sæbraut
- TegundBrýr
- StaðaFramkvæmd lokið
- Verktími2024–2025
- Markmið
- Öruggar samgöngurGreiðar samgöngurJákvæð byggðaþróunUmhverfislega sjálfbærar samgöngur
- Heimsmarkmið
- 11. Sjálfbærar borgir og samfélög9. Nýsköpun og uppbygging
- Flokkar
- SamgöngusáttmálinnÖryggisaðgerðirVerktaki - Ístak
- Svæði
- Höfuðborgarsvæðið
Vegagerðin í samvinnu við Reykjavíkurborg stóð að byggingu göngu- og hjólabrúar yfir Sæbraut. Brúin er staðsett um það bil miðja vegu milli gatnamóta Súðarvogs og Kleppsmýrarvegar. Með tilkomu brúarinnar varð til gönguleið milli Tranavogs og Snekkjuvogs. Brúin er ætluð fyrir gangandi og hjólandi vegfarendur og er hlutverk hennar m.a. að tryggja gönguleið skólabarna í Vogaskóla. Stigahús og lyftustokkur eru við báða enda brúarinnar, sem er yfirbyggð.
Vinna við tímabundna göngu- og hjólabrú yfir Sæbraut hófst ágúst 2024 og var hún opnuð formlega september 2025. Brúin tengist Snekkjuvogi/Barðavogi í vestri og Tranavogi/Dugguvogi í austri. Skiltabrúm var komið fyrir sitt hvoru megin við brúnna til að varna því að ökutæki rekist upp í brúna. Brúin mun þjóna hlutverki sínu þar til Sæbraut verður sett í stokk.
Brúin hefur bætt umferðaröryggi verulega fyrir vegfarendur milli hinnar nýju Vogabyggðar og Vogahverfis, ekki síst fyrir skólabörn. Hún er yfirbyggð með lyftu og tröppum og er áhersla gerð á jákvæða upplifun vegfarenda með litrýku, aðlaðandi innra rými. Góð lýsing er einnig við brúna.
Framkvæmdin var samvinnuverkefni Reykjavíkurborgar og Vegagerðarinnar og heyrði undir verkefni Samgöngusáttmála ríkisins og sex sveitarfélaga á höfuðborgarsvæðinu. Verktakinn Ístak kom einnig að verkinu.
