Gjald­skrá

Gjaldskrá Vegagerðarinnar, framkvæmdastofnunar samgöngumála

1. gr.

Gildissvið

Gjaldskrá þessi gildir um þjónustu, vöru- og efnissölu Vegagerðarinnar, framkvæmdastofnunar samgöngumála.

Gjöld samkvæmt gjaldskrá þessari skulu standa undir kostnaði stofnunarinnar við þá þjónustu sem tilgreind er í einstökum greinum.

2. gr.

Tímagjald vegna verkefna fjármögnuð með framlögum úr ríkissjóði til Vegagerðarinnar

1. mgr.

Vegagerðinni er heimilt að innheimta tímagjald fyrir útselda sérhæfða þjónustu starfsmanna vegna verkefna sem unnin eru á vegum stofnunarinnar og falla undir ábyrgð hennar samkvæmt 12. gr. laga nr. 120/2012 um Vegagerðina, framkvæmdastofnun samgöngumála.

2. mgr.

Tímagjald samkvæmt þessari grein tekur eingöngu til verkefna sem fjármögnuð eru með framlögum úr ríkissjóði til Vegagagerðarinnar og ekki rekin á viðskiptalegum grundvelli.

3. mgr.

Við ákvörðun tímagjalds skal tekið mið af sérhæfingu og ábyrgð starfsmanns:

4. mgr.

Tímagjald samkvæmt þessari grein tekur einnig til þeirrar þjónustu sem felst í úrvinnslu gagna, upplýsingagjöf eða annarri vinnu sem nauðsynleg er vegna ofangreindra verkefna sem unnin eru með fjárveitingum úr ríkissjóði til Vegagerðarinnar.

3. gr.

Sérfræðistörf og þjónusta á viðskiptalegum grundvelli

1. mgr.

Vegagerðinni er heimilt að innheimta tímagjald fyrir útseld sérfræðistörf og þjónustu sem unnin er á viðskiptalegum grundvelli í samræmi við 13. gr. laga nr. 120/2012 um Vegagerðina, framkvæmdastofnun samgöngumála.

2. mgr.

Undir þessa grein falla öll verkefni sem unnin eru gegn greiðslu utan fjárheimilda Vegagerðarinnar, þar á meðal verkefni fyrir opinbera aðila, þ.m.t. ríkisstofnanir, sveitarfélög og aðra aðila sem sinna opinberu hlutverki, þar á meðal lögaðila í eigu eða með þátttöku ríkis eða sveitarfélaga, svo og fyrir einkaaðila eða lögaðila sem starfa á samkeppnismarkaði.

3. mgr.

Við ákvörðun tímagjalds skal tekið mið af markaðsverði sambærilegrar þjónustu, auk sérhæfingar og ábyrgðar starfsmanns.

4. mgr.

Tímagjald samkvæmt þessari grein tekur einnig til verkefna sem unnin eru á grundvelli samninga við aðra opinbera aðila eða lögaðila, enda séu þau unnin á viðskiptalegum grundvelli.

4. gr.

Gjald fyrir þjónustu ökutækja

Samhliða útseldri tímavinnu samkvæmt 2. og 3. gr. skal greiða kílómetragjald fyrir afnot af ökutækjum sem starfsmenn þarfnast starfa sinna vegna.

5. gr.

Gjald fyrir leigu sérhæfðra þjónustubifreiða

Samhliða útseldri tímavinnu samkvæmt 2. og 3. gr. skal greiða gjald fyrir afnot af sérhæfðum þjónustubifreiðum og festivögnum. Þær eru einungis leigðar út með starfsmanni til sérhæfðra verkefna sem ekki lúta ábyrgð Vegagerðarinnar þegar sambærileg þjónusta er ekki tiltæk.

6. gr.

Gjald fyrir leigu vinnuvéla- og tækja

Samhliða útseldri tímavinnu samkvæmt 2. og 3. gr. skal greiða tímagjald eða, eftir atvikum, daggjald fyrir þjónustu sérhæfðra vinnuvéla og tækja. Þau eru einungis leigð út með viðeigandi starfsfólki til sérhæfðra verkefna sem ekki lúta ábyrgð Vegagerðarinnar þegar sambærileg þjónusta er ekki tiltæk.

7. gr.

Álag og umsýslugjald

Fyrir kostnað utan gjaldskrár innheimtir Vegagerðin álags- og umsýslugjald sem nemur eftirfarandi.

Álags- og umsýslugjald 4,2%

Svæðisálagsgjald 1,0%

Samtals: 5,2%

Forstjóra Vegagerðarinnar er heimilt, að höfðu samráði við innviðaráðuneytið, að endurskoða álag til lækkunar út frá umfangi og tegund verkefna eða ákveða fast mánaðarlegt umsýslugjald fyrir afmörkuð verkefni.

8. gr.

Vöru- og efnissala

Fyrir sölu á sérhæfðum vörum og efni skal greiða innkaupsverð að viðbættu álagi vegna umsýslu, starfsmannahalds, geymslu og flutningskostnaðar. Álagning getur að hámarki numið 20% ofan á innkaupsverð.

9. gr.

Ljósrit og afrit af skjölum

Gögn eru afhent á því formi sem þau eru varðveitt á. Sé óskað eftir ljósritum eða afritum samkvæmt beiðni á grundvelli upplýsingalaga nr. 140/2012 og stjórnsýslulaga nr. 37/1993, gilda gjaldskrár sem forsætisráðherra setur.

10. gr.

Endurskoðun gjaldskrár

Gjaldskrá þessi skal endurskoðuð árlega í samráði við innviðaráðuneytið.

11. gr.

Lagastoð og gildistaka.

Gjaldskrá þessi er sett samkvæmt 13. gr. og 12. gr. laga um Vegagerðina, framkvæmdastofnun samgöngumála, nr. 120/2012.

Öll verð í gjaldskránni eru án virðisaukaskatts.