Dynj­andis­heiði

Samtals 35,2 km langur vegur í nýbyggingu. Fækkun einbreiðra brúa um 8. Stytting á leið 2 km.

• Áfangi 1: Verkið skiptist í tvo kafla. 7,7 km langur kafli við Þverdalsá og hins vegar um 4,3 km langur kafli fyrir Meðalnes. Framkvæmdir á árunum 2020-2022. Einnig bættust við 650 m af Bíldudalsvegi og 1 km kafli frá Pennu niður að Flókalundi var lagfærður haustið 2022.
• Áfangi 2: Norðdalsá-Þverá. Nýbygging Vestfjarðavegar á um 12,6 km löngum kafla norður fyrir Bíldudalsgatnamót. Verkið lá um hæsta kafla heiðarinnar og var að mestu byggður í glænýju vegstæði. Einnig var gerð tveggja áningarstaða innifalin í verkinu, sem var boðið út í júní 2022 og voru verklok 2024.
• Áfangi 3: Þverá-Búðavík. Nýbygging Vestfjarðavegar á um 7,1 km löngum kafla sem og endurbætur á Dynjandavegi á 1 km löngum kafla í átt að fossinum. Áætlaður framkvæmdatími á árunum 2023-2025 háð fjárveitingum á samgönguáætlun.

Þriðji áfangi fór í framkvæmd vorið 2025 og eru áætluð verklok framkvæmdarinnar í lok september 2026. Verktaki fyrir þriðja áfanga er Borgarverk en voru þeir lægstbjóðendur í útboðsferli. Áætlaður verkkostnaður nemur tæplega 1.5 milljörðum króna