Skrið- og Breið­dals­vegur um Gilsá á Völl­um

Smíði nýrrar brúar yfir Gilsá á Völlum í Múlaþingi lauk haustið 2023 og markar mikilvægan áfanga í þróun samgöngumannvirkja á svæðinu. Brúarsmíðin var hluti af verkefninu Skriðdals- og Breiðdalsvegur (95) – um Gilsá á Völlum, og með nýrri brú eru væntingar um aukið umferðaröryggi og greiðari samgöngur á þessum mikilvæga vegkafla Skriðdals- og Breiðdalsvegar nú komnar í framkvæmd.

Verkefnið fól í sér byggingu nýrrar, 46 metra langrar brúar yfir Gilsá á Völlum, sem hönnuð var til að mæta nútímakröfum um öryggi, burðargetu og endingartíma. Í tengslum við smíðina þurfti einnig að endurbyggja Skriðdals- og Breiðdalsveg á 1,2 km löngum kafla til að tengja nýju brúna við núverandi vegakerfi á öruggan og skilvirkan hátt.

Gamla brúin hafði hættulega aðkomu og uppfyllti ekki nýjustu öryggiskröfur, sem gerði nauðsynlegt að byggja nýja brú á nýjum stað. Nýja brúin, ásamt viðeigandi vegi, gerir ferðir yfir Gilsá mun öruggari fyrir ökumenn, gangandi vegfarendur og aðra vegfarendur. Samtals er nýr vegur og brú um 1,3 km löng, þar af er 0,8 km nýlögn og 0,5 km endurbygging núverandi vegar. Með þessu er tryggt að tengingar við Skriðdals- og Breiðdalsveg verði greiðar og öryggi aukið til muna.

Markmið framkvæmdarinnar hefur ávallt verið að auka umferðaröryggi, bæta aðkomu og tryggja greiðar og öruggar samgöngur á Skriðdals- og Breiðdalsvegi. Með nýrri brú og endurbættri vegalengd er nú búið að leggja traustan grunn fyrir framtíðarvegagerð og betri samgöngur í Múlaþingi, sem mun nýtast bæði íbúa, atvinnulífi og ferðaþjónustu svæðisins.

Verkframvinda 2020: Undirbúningur og hönnun brúar og vegar m.v. að bjóða út verkið vorið 2021

Verkframvinda 2021: Unnið að undirbúningi og útboði verksins. Verkið var boðið út í júní, en ekkert tilboð barst í verkið. Verkið var svo boðið út aftur í ágúst m.v. að að verkinu var skipt upp í tvo hluta, þ.e. byggingu brúarinnar ásamt vegtengingu sem MVA ehf. á Egilsstöðum bauð í og svo stálsmíði fyrir brúarmannvirkið sem MVS ehf. á Egilsstöðum bauð í. Samið var við fyrrgreinda verktaka um verkið m.v. að framkvæmdir hæfust 2022.

Verktaki: Hönnun og undirbúningur Mannvit og Vegagerðin.

Verkframkvæmd: MVA ehf. og MVS ehf.

Verklok voru haustið 202