Reykja­nesbraut: Krýsu­víkur­vegur-Hvassa­hraun

Áformað var að breyta vegkaflanum í 2+2 aðskildar akreinar, breyta mislægum vegamótum við álverið í Straumsvík, ISAL, útbúa vegtengingar að Straumi og Álhellu, byggja mislæg vegamót við Rauðamel og útbúa vegtengingu að Straumsvíkurhöfn og dælu- og hreinsistöð austan Straumsvíkur með undirgöngum. Einnig er áformað að byggja undirgöng fyrir gangandi og hjólandi rétt austan við álverið sem og eftirlitsstaði fyrir umferðareftirlit beggja megin Reykjanesbrautar, austan við Straumsvík.

Vegkaflinn var formlega opnaður þann 11. desember 2025 og er Reykjanesbraut nú tvöföld með aðskilda akstursstefnu alla leið til Njarðvíkur. Verktaki framkvæmdar var Íslenskir aðalverktakar, en tilboð þeirra hljóðaði upp á rétt tæplega 80% af fyrirhuguðum verktakakostnaði. Mannvit hf. sá um hönnun vegkaflans á meðan verkfræðistofan Hnit sá um eftirlit og ráðgjöf.