21. ágúst 2025

Umhverf­ismats­skýrsla til kynn­ingar

Á fundinum munu Anna Rut Arnardóttir og Berglind Hallgrímsdóttir frá EFLU fara yfir niðurstöður umhverfismatsins. Umhverfismatsskýrslan er nú til kynningar hjá Skipulagsstofnun, skipulagsgatt.is

Fundurinn verður haldinn í Vindheimum (salur) á 7. hæð í húsakynnum Reykjavíkurborgar, Borgartúni 14, eystri inngangur og eru allir velkomnir.

Verkefnið er hluti af Samgöngusáttmála ríkisins og sex sveitarfélaga á höfuðborgarsvæðinu og unnið í samstarfi Vegagerðarinnar, Reykjavíkurborgar og Betri samgangna.

Markmiðið er að efla samgöngur allra ferðamáta, draga úr umferðartöfum á háannatíma og auka umferðaröryggi vegfarenda.

Umhverfisáhrif metin

Umhverfisáhrif fyrirhugaðra framkvæmda hafa nú verið metin og niðurstöður birtar í umhverfismatsskýrslu sem er til kynningar í Skipulagsgáttinni, sjá hér: https://skipulagsgatt.is/issues/2025/1009

Í umhverfismatsskýrslunni er fjallað um áhrif á loftslag, fornminjar, fugla, jarðmyndanir, hljóðvist, loftgæði, landslag og sjónræna þætti, náttúruminjar, samgöngur og umferðaröryggi, útivist, vatnafar, vatnalíf og vatnshlot.

Með breytingum á gatnamótum Reykjanesbrautar og Bústaðavegar verður ljósastýring við gatnamótin afnumin og leið Borgarlínu komið fyrir í sérrými.

Dagskrá kynningarfundarins

• 17:00 Setning fundarins. Þorsteinn R. Hermannsson, aðstoðarframkvæmdastjóri Betri samgangna.
  17:05 Niðurstöður umhverfismats. Anna Rut Arnardóttir og Berglind Hallgrímsdóttir, sérfræðingar hjá EFLU.
  17:30 Fyrirspurnir og umræður

Fundarstjóri er G. Pétur Matthíasson, forstöðumaður samskiptadeildar Vegagerðarinnar.

Frestur til athugasemda er til 16. september 2025

Skriflegar athugasemdir skulu sendar í gegnum Skipulagsgáttina (skipulagsgatt.is), til Skipulagsstofnunar, Borgartúni 7b, 105 Reykjavík, eða á netfangið skipulag@skipulag.is.