28. desember 2023Sprungur myndast í Grindavíkurvegi
Sprungur myndast í Grindavíkurvegi
Landrissins í Svartsengi gætir á Grindavíkurvegi. Þar hafa sprungur myndast og breikkað nokkuð frá í gær. Sprungur hafa myndast nær Grindavík en áður en auk þess eru farnar að myndast sprungur á þeim stað sem búið var að gera við nærri þeim stað þar sem landrisið á sér nú stað.
Eftirlitsmaður Vegagerðarinnar segist finna talsverðan mun á ástandi vegarins í dag miðað við í gær, miðvikudag, bæði hvað varðar yfirborð og akstursaðstæður. Hann bendir á að breytingarnar megi rekja til veðurfars og hitastigs, sem hafi haft áhrif á bæði veggrip og ástand slitlags.
Ekki er talin þörf á að loka veginum að svo stöddu, en Vegagerðin fylgist grannt og kerfisbundið með þróun mála, með reglulegum vettvangsferðum og mælingum á ástandi vegarins. Eftirlitið fer fram í nánu samstarfi við lögreglu og Almannavarnir, til að tryggja öryggi vegfarenda og geta brugðist hratt við ef ástandið versnar eða hætta skapast. Þar að auki er haft samband við viðeigandi þjónustuaðila til að tryggja að búnaður og mannskapur sé til taks ef grípa þurfi til aðgerða.
Landriss gætir á Grindavíkurvegi og nokkrar sprungur hafa myndast.
Sprungur á Grindavíkurvegi nærri Svartsengi.