23. október 2025

Sjálf­bærni með í för morg­unfundur Vega­gerðar­innar

Fyrsta sjálfbærnistefna Vegagerðarinnar leit dagsins ljós á þessu ári. Markmið stefnunnar sem nær til ársins 2028 er að efla umhverfislega, félagslega og efnahagslega sjálfbærni í allri starfsemi Vegagerðarinnar. Þetta nær frá hönnun mannvirkja til framkvæmda og reksturs. Með stefnunni er unnið að ábyrgri nýtingu fjármuna og náttúruauðlinda og að dregið verði úr kolefnisspori framkvæmda, án þess þó að skerða hlutverk stofnunarinnar sem er að tryggja öruggt og gott aðgengi um landið fyrir öll.

Stefnunni fylgir ítarleg aðgerðaáætlun með 20 mælanlegum markmiðum og tímasettum aðgerðum. Á fundinum verður sérstaklega fjallað um tvö lykilverkfæri sem nú hafa verið tekin í notkun:

• Loftslagskröfur í útboðum Vegagerðarinnar verða til umræðu en Vegagerðin undirbýr nú breytingar í útboðskröfum þar sem lögð er áhersla á sjálfbærniþætti. Unnið verður að innleiðingu á þessum kröfum á næstu 18 mánuðum.
• Kolefnisreiknirinn LOKI var þróaður til að meta kolefnisspor allra framkvæmda og til að geta með markvissum hætti farið í aðgerðir sem draga úr losun gróðurhúsalofttegunda. Á fundinum verður farið yfir virkni hans og innleiðingu og tekið dæmi um notkun hans í brúargerð.

Dagskrá

• Opnun fundar – Bergþóra Þorkelsdóttir, forstjóri Vegagerðarinnar
• Sjálfbærnistefnan og næstu aðgerðir – Hólmfríður Bjarnadóttir, forstöðukona sjálfbærnideildar
• Hráefni og framkvæmd – hvað þýðir lækkun kolefnisspors? – Páll Valdimar Kolka Jónsson, sérfræðingur á sjálfbærnideild
• Auknar umhverfiskröfur í útboðum Vegagerðarinnar – Oddur Sigurðsson Hagalín, forstöðumaður stoðdeildar
• Notkun kolefnisreiknisins LOKA í brúargerð – Guðmundur Valur Guðmundsson, framkvæmdastjóri þróunarsviðs

Fundarstjóri: G. Pétur Matthíasson, forstöðumaður samskiptadeildar

Fundurinn verður sem áður segir í húsnæði Vegagerðarinnar, Suðurhrauni 3 í Garðabæ. Hann hefst klukkan 9:00 og stendur til klukkan 10:30. Heitt verður á könnunni og létt hressing í boði. Fundurinn verður einnig í beinu streymi fyrir þá sem ekki geta mætt á staðinn.

Hlekkur á streymi: