29. apríl 2025

Samtal um samvinnu­verk­efni – málþing

Lögum um samvinnuverkefni um samgönguframkvæmdir, sem tóku gildi í júlí 2020, var ætlað að auka verulaga fjármagn til vegaframkvæmda og mæta þar með mikilli þörf fyrir fjárfestingar í samgöngum. Samvinnuverkefni er verkefni þar sem einkaaðili annast fjármögnun í heild eða að hluta eða tekur með öðrum hætti áhættu af gerð og rekstri opinbers mannvirkis.

Með lögunum var Vegagerðinni heimilt að eiga samvinnu við einkaaðila um fjármögnun, hönnun, undirbúning og framkvæmdir við sex afmörkuð verkefni ásamt viðhaldi og rekstri í tiltekinn tíma. Einnig var henni veitt heimild til að fjármagna samvinnuverkefni að hluta eða öllu leyti með gjaldtöku af umferð.

Af verkefnunum sex eru tvö komin í framkvæmd og unnið er að undirbúningi hinna fjögurra. Á málþinginu verður farið yfir hver reynsla Vegagerðarinnar hefur verið af þessum samvinnuverkefnum og hvaða lærdóm er hægt að draga til framtíðar.

Dagskrá

• Opnun málþings. Bergþóra Þorkelsdóttir, forstjóri Vegagerðarinnar
• Ávarp innviðaráðherra. Eyjólfur Ármannsson
• Lagaumhverfi og útboðsferli. Jóhannes Bjarni Björnsson, hæstaréttarlögmaður hjá Landslögum
• Hornafjörður og Ölfusárbrú – samvinnuverkefni í framkvæmd. Guðmundur Valur Guðmundsson, framkvæmdastjóri þróunarsviðs Vegagerðarinnar
• Sundabraut sem samvinnuverkefni. Guðmundur Valur Guðmundsson, framkvæmdastjóri þróunarsviðs Vegagerðarinnar
• Reynsla Íslands og annarra landa – lærdómur og næstu skref Lovísa Anna Finnbjörnsdóttir, sviðsstjóri Fjármálaráðgjafar hjá Deloitte
• Spurningar og umræður

Fundarstjóri – G. Pétur Matthíasson, forstöðumaður samskipta hjá Vegagerðinni

Fundurinn fer fram á Fosshóteli Reykjavík, Þórunnartúni 1, salnum Gullfossi A á annarri hæð.

Aðgangur að málþinginu er ókeypis en fólk vinsamlegast beðið um að skrá sig:  Skráningarhlekkur