7. janúar 2022Nokkrar skemmdir vegna flóða á Reykjanesi
Nokkrar skemmdir vegna flóða á Reykjanesi
Mjög kröftug lægð gekk yfir landið sunnanverðu í vikunni og skapaði krefjandi veður- og sjávaraðstæður. Lægðin var djúp og sjávarstaða há, sem leiddi til nokkurrar hættu fyrir bæði strandlínu og innviði á svæðinu. Starfsmenn Vegagerðarinnar fylgdust náið með aðdraganda veðursins og veittu íbúum og ferðamönnum mikilvægar upplýsingar um sjávarstöðu, ölduhæð og hugsanlega áhættu á vefnum sjolag.is, til að tryggja öryggi og undirbúa viðbrögð ef aðstæður versnuðu.
Nokkrar skemmdir urðu á sjóvarnargörðum, sem sýnir hversu áhrifamikil lægðin var, auk þess sem klæðing flettist af á 300 metra kafla á Nesvegi (425), sem krafðist tafarlausra viðgerða til að tryggja öryggi vegfarenda. Viðbragðsaðilar og starfsmenn Vegagerðarinnar brugðust við ástandinu með hraðvirkum aðgerðum og eftirliti til að lágmarka frekari skemmdir og tryggja öruggan umferð á vegum sem voru áhrifa af veðrinu.
Lægðin minnir á mikilvægi þess að fylgjast með veðurspám og sjávarstöðu, sérstaklega á veturna, þegar veðuraðstæður geta breyst hratt og haft áhrif á vegakerfi, byggðir og strandlínu. Vegagerðin leggur áherslu á að veita nákvæmar og tímanlegar upplýsingar til almennings og að sinna viðbrögðum með skilvirkum hætti til að tryggja öryggi vegfarenda og samfélagsins alls.
Nokkur fyrirvari var á óveðrinu sem stóð yfir 5. og 6. janúar. Vitað var að lægðin yrði djúp með loftþrýstingi rétt undir 960 hPa og myndi auk þess skella á suðurströndinni þegar sjávarstaða væri há. Ölduspáin utan við landgrunn gerði ráð fyrir yfir 12 m kenniöldu en þá getur stök alda náð yfir 16 m hæð með mjög löngum sveiflutíma. Það var því ljóst að þessi atburður yrði með þeim stærstu á 30 ára tímabili.
Vegagerðin heldur úti vefsíðunni sjolag.is þar sem hægt er að fylgjast með veðri og sjólagi í rauntíma og sjá ölduspá fram í tímann. Miðað við spár var nokkur hætta á eignatjóni vegna samverkandi ölduhæðar, sjávarhæðar og lágs loftþrýstings. Í Grindavíkurhöfn flæddi yfir bryggjukanta sem fóru allir á kaf. Einhverjir sjóvarnargarðar löskuðust vegna veðursins, sjór flæddi inn á svæði hjá Matorku, vestan við Grindavík og golfvöllurinn við Grindavík fór á kaf.
| Tölulegar upplýsingar | Kóti í hæðarkerfi hafnarinnar |
|---|---|
| Meðal stórstraums flóð [MSSFL] | +3,3 m |
| Hæð hafnarkants | +5,2 m |
| Mæld sjávarhæð kl 09:40 | +5,37 m |
| Flóðatafla í Grindavík kl 09:40 | +3,17 m |
| Loftþrýstingur kl 09:40 | 957 hPa |
Hafnadeild Vegagerðarinnar mun meta tjónið af völdum veðursins um leið og tækifæri gefst.
Klæðing flettist af vegi
Tjón varð ekki aðeins á höfnum og sjóvarnargörðum heldur fékk Nesvegur (425) sem liggur frá Grindavík að Reykjanesvita að kenna á því. „Ég hef aldrei séð annað eins brim. Þetta var hálf óhugnanlegt,“ segir Valgarður Guðmundsson eftirlitsmaður á Suðursvæði Vegagerðarinnar. Á um 300 metra kafla vegarins, rétt vestan við Brimketilinn, flettist klæðing af veginum auk þess sem grjót lá á honum. „Þetta hefur líklega gerst á fimmtudagsmorgun, í morgunflóðinu,“ lýsir Valgarður en fyrir utan skemmdir á klæðingunni grófst töluvert úr vegöxlinni fjær sjónum. „Þetta var stór skurður, um metersdjúpur.“
Starfsfólk þjónustustöðvar Vegagerðarinnar hafa sett upp skilti sem vara við holum og grjótkasti en auk þess hefur hraðinn verið lækkaður niður í 50 km/klst. Verktaki var fenginn til að hreinsa ónýta klæðingu og grjót af veginum en gert verður við veginn um leið og veður og hitastig leyfa. Þangað til þurfa ökumenn að fara varlega þegar ekið er yfir þennan vegkafla.
