18. nóvember 2022Malbikað á Reykjanesbrautinni í nótt – myndband
Malbikað á Reykjanesbrautinni í nótt – myndband
Óvenjulegt að malbika eftir miðjan nóvember
Vel gekk að malbika á Reykjanesbrautinni í nótt og allt útlit er fyrir að hægt verði að opna fyrir umferð á ný fyrir hádegi í dag. Lokunin stóð yfir í nokkrar klukkustundir og fór fram án teljandi vandkvæða, en samkvæmt upplýsingum frá Vegagerðinni hefur verkefnið gengið mun hraðar en upphaflega var gert ráð fyrir.
Í myndbandi sem tekið var upp í nótt er rætt við Birki Hrafn Jóakimsson, forstöðumann hjá Vegagerðinni, sem lýsir framkvæmdinni nánar. Hann útskýrir hvernig sérstök aðferð sé notuð við malbikunina til að tryggja sem jafnasta og endingarbetri yfirborðsmeðferð. Að hans sögn skiptir miklu máli að nýtt malbik þoli bæði mikinn akstursþunga og breytilegt veðurfar, enda sé Reykjanesbrautin ein umferðarmesta þjóðleið landsins og lykilinnviður fyrir höfuðborgarsvæðið, Suðurnes og flugstöðina í Keflavík.
Framkvæmdin er unnin af Loftorku Reykjavík í samvinnu við Colas Ísland og segir Birkir samstarfið hafa gengið afar vel. Fyrirtækin hafi skipulagt verkið í sameiningu með það að markmiði að lágmarka rask fyrir vegfarendur, meðal annars með því að vinna að mestu leyti á næturtíma.
Að sögn Vegagerðarinnar er þetta hluti af stærra viðhaldsverkefni á Reykjanesbrautinni sem felur í sér endurnýjun malbiks á ákveðnum köflum sem hafa tekið mikið á sig af umferð síðustu ár. Þrátt fyrir að framkvæmdirnar feli í sér tímabundnar tafir er ávinningurinn mikill, þar sem nýtt malbik bætir bæði öryggi og akstursþægindi til lengri tíma.
Einnig er rætt við Guðjón Viktor Guðmundsson frá björgunarsveitinni Skyggni í Vogum, en hann var einn af tíu úr þremur björgunarsveitum sem mönnuðu lokunarstöðvar í alla nótt.
