15. janúar 2024

Ástand vega að og frá Grinda­vík kann­að

Starfsfólk Vegagerðarinnar hóf skoðunina með dróna, sem gaf yfirlit yfir ástand vega, möguleg skemmdasvæði og hættusvæði sem erfitt er að sjá frá jörðu. Að því loknu fóru starfsmenn á vettvang til að kanna skemmdir, sprungur og önnur áberandi vandamál í vegakerfinu. Matið var gert með hliðsjón af bæði öryggis- og viðhaldssjónarmiðum, til að tryggja að allar áhættur væru metnar og að nauðsynlegar aðgerðir gætu hafist strax.

Skoðunin fór fram í fylgd með björgunarsveitarmönnum, sem tryggðu öryggi á svæðinu allan tímann. Vegagerðin lagði sérstaka áherslu á að framkvæmdir og skoðanir færu fram með fyllsta öryggi og í samræmi við alla viðeigandi öryggisreglur. Þetta tryggir að bæði starfsfólk og áhættumat á vegakerfinu séu áreiðanleg og traust fyrir þá sem ferðast á svæðinu.

Áður en frekari framkvæmdir eða viðgerðir hefjast verður ástand veganna metið ítarlega, og niðurstöður skoðunarinnar munu liggja til grundvallar við viðhald og mögulega lagfæringu vegakerfisins á næstunni. Með þessari vöktun vill Vegagerðin tryggja örugga og greiða samgöngur fyrir íbúa Grindavíkur og alla sem nota vegina til hafnar og annarra þjónustusvæða í bænum.

Skoðunin fór fram í því skyni að velja bestu leið fyrir flutning á rafstöð, varaaflsstöð, Landsnets niður að höfninni.

Eftir skoðun á Suðurstrandarvegi og leiðinni inn í Grindavík að austanverðu er ljóst að margar sprungur hafa myndast í átökum síðustu sólarhringa. Eldri viðgerðar sprungur hafa opnast og víkkað og nýjar myndast. Ljóst er að þungaflutningar fara ekki þá leið en mestu skemmdirnar í þessari lotu hafa orðið í austanverðum bænum.

Vegagerðarmenn skoðuðu einnig Grindavíkurveg, Norðurljósaveg og Nesveg og ljóst eftir þá skoðun að minni breytingar hafa orðið þar og því fært fyrir þungaflutninga þá leið. Strax var farið af stað með að flytja varaaflsstöðina þá leið til að koma rafmagni á Grindavík.

Vegagerðarstarfsmenn hafa tekið þátt í viðbrögðum og starfsemi viðbragðsaðila í tengslum við jarðhræringarnar undanfarið og fylgdust grannt með framgangi gossins í nótt. Vegagerðin er þátttakandi í gerð varnargarðanna og þróun þeirra m.a. í tengslum vegtengingar til of frá Grindavík en vinna við gerð þeirra stóð í alla nótt. Nú gefst tækifæri til að meta stöðu þeirra og huga að legu nýrra varnargarða og bætingu á þeim sem hafa reistir auk nýtingu vegakerfisins almennt næstu daga og vikur.