Um Borgarnes
- TegundVegir
- StaðaFrumdrög, for - og verkhönnun
- Markmið
- Greiðar samgöngurJákvæð byggðaþróunÖruggar samgöngurUmhverfislega sjálfbærar samgöngur
- Heimsmarkmið
- 8. Góð atvinna og hagvöxtur9. Nýsköpun og uppbygging
- Flokkar
- SamgöngukerfiðVegirAðskilnaður akstursstefnuStofnvegirVegstyttingBrúÖryggisaðgerðir
- Svæði
- Vesturland
Verkefnið snýst um að finna lausn á framtíðarlegu hringvegar um Borgarnes og Snæfellsnesvegar. Megin markmið framkvæmdarnnar er að auka umferðaröryggi allra vegfarenda ásamt því að auka umferðarflæði og bæta sambúð vegar og umferð við íbúa og umhverfi. Akstursstefnur verða aðskildar, fjöldi tenginga við þjóðveg í lágmarki og lögð áhersla á öryggi viðkvæmra vegfarendahópa innan þéttbýlisins.
Núverandi vegur, Hringvegur (1) um Borgarnes er tveggja akreina vegur sem liggur í gegnum þéttbýlið Borgarnes. Öll umferð á milli suðvesturhorn landsins og vestur- og norðurlands fer um umræddan vegkafla, ásamt allri innanbæjarumferð í Borgarnesi. Þar sem Hringvegur liggur í gegnum þéttbýlið hefur það í för með sér miklar áskoranir fyrir samfélagið í Borgarnesi.
Yfir sumartímann skapast gjarnan miklar umferðartafir þar sem mikil gegnumstreymisumferð fer um bæinn og jafnt yfir sumar- og vetrartímann er mikil umferð þyngri ökutækja vegna vöruflutninga. Þessi mikla umferð í gegnum bæinn gerir það að verkum að erfitt er að komast frá hliðarvegum inn á þjóðveginn sem getur valdið miklum töfum.
Umferðargreining var framkvæmd sumarið 2022 og niðurstaðan sú að þegar horft er til núverandi umferðar um vegkaflann ásamt umferðarspá þegar horft er 20 árum fram í tímann er ljóst að vegur með eina akrein í hvora átt sé að nálgast þolmörk. Tillögur að breytingu á veglínu Hringvegar eru margvíslegar og má sjá nánar í meðfylgjandi frumdragaskýrslum en allar gera þær ráð fyrir að vegurinn skildi færður út fyrir þéttbýliskjarna Borgarness svo að aðskilja má utanaðkomandi umferð frá bæjarumferð. Nýr vegur skal vera 2+1 aðskildur vegur til þess að auka umferðaröryggi og afkastagetu vegkaflans.