Snæfells­nesveg­ur, Ketil­stað­ir-Gunn­arsstað­ir.

Vegagerðin og Borgarverk skrifuðu undir samning um framkvæmd við verkið Snæfellsnesvegur (54), Ketilsstaðir – Gunnarsstaðir í desember 2021. Verkið fól í sér endurbyggingu Snæfellsnesvegar á um 5,4 km kafla.

Innifalið í verkinu var bygging tveggja brúa á Skraumu og Dunká. Brúin á Skraumu er um 43 m löng, í þremur höfum og byggð upp af samverkandi stálbitum og steyptu brúardekki. Milliundirstöður eru tvær hallandi stálsúlur í hvorri undirstöðulínu með stífandi krossum á milli.

Brúin á Dunká er um 52 m löng staðsteypt uppspennt plötubrú í tveimur höfum. Milliundirstaðan er lóðrétt staðsteypt súla. Hún stendur á steyptri undirstöðu sem grunduð er á klöpp vestan megin við megin rennsli árinnar, þar sem klöpp liggur ofan árfarvegarins.

Þessi nýframkvæmd veldur því að í flóðum eða klakahlaupum getur vatn og ís náð upp á súlur brúanna án þess að valda skaða eða öðrum áhrifum á burðarvirki þeirra.