Horfum fram á veginn
- Hvar?Grand Hótel Reykjavík.
- Hvenær?15. apríl 2026
- Skráning á viðburðinnSkrá mig
Horfum fram á veginn – ráðstefna um verkefnastýringu stórframkvæmda og viðhalds.
Á ráðstefnunni verður sjónum beint að einni stærstu áskoruninni í innviðauppbyggingu á Íslandi, hvernig Vegagerðin tekst á við innviðaskuld, skipulagningu, stýringu og forgangsröðun framkvæmda og viðhalds á skilvirkan og sjálfbæran hátt. Fjallað verður um verkefnastýringu og hvernig Vegagerðin vinnur markvisst að því að bæta og auka hana til þess m.a. að tryggja að áætlanir standist sem best.
Innlendir og erlendir sérfræðingar halda erindi þar sem farið verður yfir áherslu á þróun verklags, nýtingu á tækni og verkefnastýringu.
Tími | Dagskrá | Fyrirlesari /Hlutverk |
9:00 | Opnun ráðstefnu | Bergþóra Þorkelsdóttir, forstjóri, Vegagerðin |
Ávarp ráðherra | Eyjólfur Ármannsson, innviðaráðherra | |
Getting Big Things Done on Budget and on Time | Dan Gardner, rithöfundur og verðlaunablaðamaður | |
10:20 | Kaffi | |
Asset Management - Focus on Operation and Maintenance of State Roads in Denmark | Michael Ebbesen, framkvæmdastjóri reksturs og viðhalds, danska Vegagerðin | |
Protecting the Value of the Nation’s Greatest Asset | Arndís Ósk Ólafsdóttir Arnalds, framkvæmdastjóri mannvirkjasviðs, Vegagerðin | |
Pallborðsumræður | ||
12:10 | Hádegisverður | |
Slitlög á mannamáli | Bergþóra Kristinsdóttir, framkvæmdastjóri þjónustusviðs, Vegagerðin | |
Gagnadrifin ákvarðanataka í viðhaldi | Oddur Hagalín Sigurðsson, forstöðumaður stoðsviðs og Pálmi Þór Sævarsson, svæðisstjóri Vestursvæðis, Vegagerðin | |
Sjálfshjálparfyrirlestur fyrir stjórnendur á tímum óvissu og áhættu | Þórður Víkingur Friðgeirsson, dósent, Háskólinn í Reykjavík | |
Verkefnastjórnsýsla hjá Vegagerðinni | Margrét Silja Þorkelsdóttir, svæðisstjóri Norðursvæðis, Vegagerðin | |
14:40 | Kaffi | |
Samgönguáætlun í framkvæmd: Hver er árangurinn? | Guðmundur Valur Guðmundsson, framkvæmdastjóri þróunarsviðs, Vegagerðin | |
Varðan - verkefnastjórnunarkerfi Vegagerðarinnar | Rúna Ásmundsdóttir, deildarstjóri tæknideildar Norðursvæðis, Vegagerðin | |
Af hverju tekur allt svona langan tíma? | Bryndís Friðriksdóttir, svæðisstjóri Höfuðborgarsvæðis, Vegagerðin | |
16:10 | Ráðstefnulok og léttar veitingar | |
Aðalfyrirlesari verður Dan Gardner, kanadískur metsöluhöfundur á lista New York Times og verðlaunablaðamaður. Bækur hans, þar á meðal Superforecasting og How Big Things Get Done (skrifuð með Bent Flyvbjerg prófessor við Oxford-háskóla), hafa mótað alþjóðlega umræðu um hvernig megi bæta ákvarðanatöku og stýringu flókinna verkefna. Verk hans hafa verið gefin út í tugum landa og þýdd á yfir tuttugu tungumál.
Meðal annarra fyrirlesara er Michael Ebbesen, framkvæmdastjóri mannvirkjasviðs hjá dönsku Vegagerðinni. Hann greinir frá því hvernig danska Vegagerðin vann á mikilli uppsafnaðri innviðskuld með áhrifaríkum hætti.
Með ráðstefnunni er markmiðið að skapa vettvang fyrir faglegt samtal, sameiginlega sýn og betri ákvarðanatöku í opinberum framkvæmdum.