20. apríl 2022Sjaldan fleiri holur eftir erfiðan vetur
Sjaldan fleiri holur eftir erfiðan vetur
Vorverkin hjá Vegagerðinni eru nú komin í fullan gang, enda sumarið handan við hornið og mikilvægt að tryggja öruggar og greiðar samgöngur eftir langan vetur. Starfsmenn Vegagerðarinnar vinna hörðum höndum að því að gera við holur sem hafa myndast í bundnu slitlagi á vegum víða um land, með markmiði að bæta akstursaðstæður og lágmarka áhættu fyrir vegfarendur.
Í myndbandi sem tekið var upp á dögunum kemur fram að umhleypingar í veðri, frost og þíða hafa mikil áhrif á myndun holna á vegum. Slíkar veðuraðstæður geta gert vegi hættulega, aukið slit á slitlagi og valdið auknu viðhaldsþörf, sérstaklega á helstu samgönguleiðum og landsvegunum sem þola mikla umferð.
Vorverkin felast meðal annars í því að fylla holur með viðeigandi efnum, slétta vegi og tryggja að slitlagið endist sem lengst eftir langan vetur. Starfsmenn Vegagerðarinnar leggja áherslu á að framkvæmdirnar séu bæði skilvirkar og öruggar, og huga að því að valda sem minnst truflun fyrir vegfarendur á meðan viðgerðum stendur.
Að auki gefur myndbandið innsýn í hvernig veðráttan hefur áhrif á vegina, hversu hratt holumyndun getur orðið eftir erfiðar veðurháska og hvernig Vegagerðin bregst við til að viðhalda öryggi og samgöngufríðindum. Með þessum aðgerðum er lagt grunn að greiðari samgöngum í sumar og auknu öryggi fyrir alla sem ferðast á vegum landsins.
„Holur myndast þegar vatn liggur í vegum. Vatn finnur sér alltaf leið. Ef það er t.d. mjög lítil sprunga í malbiki kemst vatn þar undir og safnast fyrir. Þegar vatn frýs eykst rúmmál þess og þegar það þiðnar aftur, er malbikið uppspennt. Ef þungur bíll ekur þar yfir og brýtur það niður getur hola myndast mjög hratt,“ segir Birkir Hrafn Jóakimsson, forstöðumaður á mannvirkjasviði Vegagerðarinnar, í myndbandinu.
Í máli hans kemur fram að gert sé við holur eins fljótt og kostur er, oft í mjög erfiðum aðstæðum. „Þegar vorið kemur og aðstæður leyfa, förum við annað hvort í heilar yfirlagnir eða staðbundnar viðgerðir á stórum eða litlum holum,“ segir Birkir Hrafn og bendir á að holur séu ekki séríslenskt fyrirbæri.
„Við hér á Íslandi erum ekki ein um að berjast við holur þegar vorið kemur með sínum leysingum. Ég hef fengið fréttir frá kollegum mínum um allan heim og þetta er alls staðar. Hins vegar erum við illa sett núna eftir mjög þungan vetur,“ segir hann.
Í myndbandinu er einnig rætt við Ingibjörgu Albertsdóttur, lögfræðing hjá Vegagerðinni. Hún bendir á að ef keyrt sé ofan í vegskemmd sé best að fara inn á heimasíðu Vegagerðarinnar og senda inn tjónstilkynningu með rafrænum hætti. „Hún fer þá í hefðbundið ferli innanhúss þar sem fram fer mat á því hvort bótaskylda sé fyrir hendi,“ segir Ingibjörg.
Ekki er hægt að koma alveg í veg fyrir að holur myndist, að sögn Birkis Hrafns. „En það er hægt að minnka það,“ segir hann.
Vorverkin hjá Vegagerðinni eru komin í fullan gang, enda sumarið handan við hornið. Unnið er hörðum höndum að því að gera við holur sem hafa myndast í bundnu slitlagi á vegum víða um land.
Holur í bundnu slitlagi eru langt í frá séríslenskt fyrirbæri. Nágrannalöndin finna einnig fyrir auknum holum í leysingum á vorin.