Sumarstarf í skjalateymi Vegagerðarinnar
- StarfssvæðiHöfuðborgarsvæðið
- Tegund starfsSumarstörf
- Starfshlutfall100%
- Umsóknarfrestur4. maí 2026
Við leitum að metnaðarfullum og skipulögðum sumarstarfsmanni til að taka þátt í verkefni sem snýr að stafrænni umbreytingu gagna.
Starfið felur í sér úrvinnslu og stafræna skráningu pappírsgagna sem nú eru skráð í Lotus Notes. Verkefnið er hluti af stærra umbótaverkefni þar sem unnið er að því að draga úr pappírsnotkun og færa gögn yfir í rafrænt form.
Helstu verkefni
- Fara yfir og vinna úr pappírsskýrslum.
- Skanna skjöl og tryggja gæði stafrænnar útgáfu.
- Skrá og flokka gögn í viðeigandi kerfi.
- Vista skjöl í rafrænu skjalageymslukerfi.
- Undirbúa gögn fyrir afhendingu til Þjóðskjalasafns Íslands eftir skönnun.
Hæfniskröfur
- Góð almenn tölvukunnátta
- Nákvæmni og skipulagshæfni
- Sjálfstæð vinnubrögð og ábyrgð í starfi
- Reynsla af skjalastjórnun eða gagnavinnslu er kostur
Frekar upplýsingar um starfið
Áhugasamir einstaklingar, án tillits til kyns, eru hvattir til að sækja um. Í umsókninni komi fram upplýsingar um fyrri störf og þær hæfnikröfur sem óskað er eftir. Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði frá því að umsóknarfrestur rennur út.
Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru. Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 370 starfsmenn Vegagerðarinnar starfa á 18 starfsstöðvum víðsvegar um landið.