Stafrænn leiðtogi hjá Vegagerðinni
- StarfssvæðiHöfuðborgarsvæðið
- Tegund starfsSérfræðistörf
- Starfshlutfall100%
- Umsóknarfrestur2. febrúar 2026
Vegagerðin leitar að framsýnum og öflugum stafrænum leiðtoga sem hefur brennandi áhuga á að móta og leiða stafræna umbreytingu hjá Vegagerðinni með sterka áherslu á mannlega þáttinn og árangursríka breytingastjórnun.
Unnið er þvert á svið, deildir og svæði, í nánu samstarfi við stjórnendur, starfsfólk og hagsmunaaðila, með það að markmiði að efla þjónustu, bæta innri ferla og tryggja að tækninýjungar nýtist á ábyrgan og áhrifaríkan hátt.
Helstu verkefni
- Fylgja eftir og innleiða stafræna stefnu Vegagerðarinnar og tengd lykilverkefni í nánu samstarfi við lykilaðila.
- Samhæfa stafrænar aðgerðir við stefnumótun, rekstur og þjónustu.
- Stýra stafrænum verkefnum af öryggi og tryggja að lausnir skili raunverulegum ávinningi fyrir starfsfólk og notendur.
Hæfniskröfur
- Framúrskarandi skilningur á tækniþróun og hvernig hún getur nýtst í opinberri þjónustu.
- Afburða samskiptahæfni og geta til að mynda góð og jákvæð tengsl á milli starfseininga.
- Breytingaþol og seigla í flóknum verkefnum sem krefjast úthalds.
- Háskólamenntun á BA/BS stigi.
- Æskilegt framhaldsnám á háskólastigi (MA/MS) í upplýsingatækni eða stjórnun.
- Hæfni til að nýta gögn og mælikvarða til ákvarðanatöku og eftirfylgni.
- Nýsköpunarhugsun og vilji til að prófa nýjar lausnir og nálganir.
Frekar upplýsingar um starfið
Áhugasamir einstaklingar, án tillits til kyns, eru hvattir til að sækja um. Í umsókninni komi fram upplýsingar um fyrri störf og upplýsingar um þær hæfnikröfur sem óskað er eftir. Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði frá því að umsóknarfrestur rennur út.
Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru. Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 370 starfsmenn Vegagerðarinnar starfa á 18 starfsstöðvum víðsvegar um landið