PDF · Útgáfa 1350-1808/Áfangaskýrsla — 19. mars 2021

Eru smektít og ættingjar óvin­ir viðloð­unar­efna? – Áfanga­skýrsla I

Í þessari rannsókn er gengið út frá því að ummyndun í sjálfu steinefninu geti haft áhrif á viðloðun steinefnis og að skaðlegar leirsteindir geti dregið verulega úr viðloðun þess. Valin hafa verið steinefni sem hafa farið í viðloðunarpróf. Markmiðið er að sjá hvort hægt er að greina skaðlegar steindir í þessum sýnum með bláma (methylene blue). Notuð verða bæði staðlað blámapróf og þunnsneiðar sem eru litaðar með bláma. Rannsóknin er á frumstigi.

Tilefni þessarar rannsóknar er að vísbendingar voru um að ákveðins misræmis gætti á milli viðloðunar og berggreiningar í nokkrum námum. Þetta ýtti undir að skoða áhrif skaðlegra steinda (kristalla) á viðloðun. Í rannsókninni er athugað hvort hentugt sé að nota metýlen bláma (methylene blue) til að meta áhrif skaðlegra steinda á viðloðun steinefna. Tilgangurinn er að finna steindir sem eru utan greiningarhæfni berggreiningar.