Árnes­hreppur um Veiði­leysu­háls, Kraká-Kjós­ará

Strandavegur er 93,4 km langur tengivegur í vegakerfi landsins. Hann liggur af Djúpvegi í botni Steingrímsfjarðar og endar við hafnarsvæði Árneshrepps í Norðurfirði. Vegurinn er með bundnu slitlagi að Bjarnarfjarðará í Bjarnarfirði en þaðan er hann mjór, seinfarinn malavegur með mætingarútskotum, kröppum beygjum, bröttum brekkum og einbreiðum brúm. Á kaflanum frá Bjarnarfirði að Gjögri er Strandavegi ekki haldið opnum yfir háveturinn og er Veiðileysuháls einn helsti farartálminn á þeirri leið. Mikil snjósöfnun er á veginn um hálsinn og lítið umferðaröryggi. Því hefur fram að þessu ekki verið talið forsvaranlegt að þjónusta hann að vetrarlagi.

Sá hluti Strandavegar sem fyrirhugað er að ný- og endurbyggja er 11,6 km langur. Endurbygging núverandi vegar á sama stað er ekki valkostur því kröfum til umferðaröryggis yrði ekki fullnægt, þar sem megin ágalli vegarins er snjósöfnun að vetrarlagi en hann er einnig öf þröngur og brattur og með of krappar beygjur. Markmið framkvæmdarinnar er að bæta samgöngur á Ströndum, auka umferðaröryggi vegfarenda og íbúa og tryggja greiðari samgöngur á svæðinu í sátt við umhverfið. Nýr vegur verður með bundnu slitlagi og uppbyggður með tilliti til snjóa, til þess að hægt muni vera að halda veginum opnum allan ársins hring og staðla að töluverðum endurbætum á heilsárssamgöngum um Strandir.

Greiðfærni og umferðaröryggi eru grunnforsendur þess að brýna nauðsyn ber til að ráðast í framkvæmdir. Fjármagn er veitt til framkvæmdarinnar á öllum þremur tímabilum núgildandi samgönguáætlunar 2020-2034. Frekari upplýsingar má nálgast í meðfylgjandi efni hér að neðan.