Dýrafjarðargöng
- TegundVegir
- StaðaFramkvæmd lokið
- Verktími2017–2020
- Markmið
- Greiðar samgöngurÖruggar samgöngurUmhverfislega sjálfbærar samgöngur
- Heimsmarkmið
- 8. Góð atvinna og hagvöxtur9. Nýsköpun og uppbygging
- Flokkar
- JarðgöngVegstyttingVerktakar - Metrostav AS og Suðurverk hf.
- Svæði
- Vestfirðir
Verkið hófst árið 2017 og fól í sér lagningu nýs vegar og nýrra ganga á milli Mjólkár í Arnarfirði að Dýrafjarðarbrú í Dýrafirði. Samtals 13,7 km langt vegstæði. Stytting á Vestfjarðarvegi hljóðaði upp á 27,4 km.
Verktakar við framkvæmdina voru tékkneski verktakinn Metrostav a.s. og Suðurverk hf., en tilboð þeirra hljóðaði upp á 93% af áætlaðum verktakakostnaði. GeoTek ehf. og Efla hf. sáu um eftirlit og Vestfirskir verktakar ehf. byggðu brýrnar.
Efnisyfirlit
Dýrafjarðargöng voru opnuð þann 25. október 2020. Jarðgöngin eru um 5,6 km löng. Börn úr Grunnskólanum á Þingeyri fóru fyrst í gegnum göngin en með þeim í för var Gunnar Gísli Sigurðsson sem mokað hefur Hrafnseyrarheiði í nærri hálfa öld.
Vegna kórónuveirufaraldursins var formleg opnun ganganna með fremur óhefðbundnum hætti, en í stað þess að vera við gangnamunna voru Sigurður Ingi Jóhannsson samgönguráðherra og Bergþóra Þorkelsdóttir, forstjóri Vegagerðarinnar, stödd í húsakynnum Vegagerðarinnar. Þar voru flutt stutt ávörp, áður en ráðherra gaf vaktstöð á Ísafirði merkið um að lyfta slám við gangnamunna, til þess að opna göngin fyrir umferð.
Dýrafjarðagöng eru hluti af meginmarkmiði í samgönguáætlun sem snýst um greiðfærar heilsárs vegagsamgöngur og óbrotið vegasamband milli vestfirskra byggða. Næsti áfangi í þessu meginmarkmiði eru allsherjar endurbætur á vegakerfinu um Dynjandisheiði.
Myndband um Dýrafjarðargöng
Í myndbandinu er rætt við Gísla Eiríksson. Gísli sagði Dýrafjarðargöng afar kærkomin fyrir Vestfirðinga enda hafi mörg vandamál leitt af því að hafa ekki almennilegan veg á milli norðanverðra og sunnanverðra Vestfjarða.
