Fljótsheiði í Þingeyjarsveit
- TegundEfnistaka úr námu
- StaðaFramkvæmd lokið
- Verktími2015–2025
- Markmið
- Umhverfislega sjálfbærar samgöngur
- Heimsmarkmið
- 11. Sjálfbærar borgir og samfélög
- Flokkar
- VegirEndurbæturBundið slitlag
- Svæði
- Norðurland
Vegagerðin stóð fyrir efnistöku úr opinni námu á Fljótsheiði þar sem tekið var um 149.900 m3 af efni á ca. 49.900 m2 svæði. Náman var lögð fram í samráði við Þingeyjarsveit því gera þurfti óverulega breytingu á Aðalskipulagi Þingeyjarsveitar 2010-2022 vegna hennar.
Markmið efnistökunnar var að útvega og vinna efni til að endurbyggja og styrkja vegkafla í nágrenninu. Efnið var notað við vegaframkvæmdir sem auka öryggi vegfarenda sem leið eiga um Bárðardalsveg vestri og Hringveginn við Skjálfandafljót og í Reykjadal. Við efnistöku á þessu svæði var nýtt efni úr svæði sem áður hafði verið raskað með efnistöku, sem og voru flutningsvegalengdir á fyllingarefni og burðarlagi úr námu hafðar sem stystar, þar með dregið úr útblæstri, rykmengun, kostnaði og slysahættu.
Framkvæmdin var tilkynnt til Skipulagsstofnunar í samræmi við 6. gr. laga nr.106/2000 m.s.b. um mat á umhverfisáhrifum. Meðfylgjandi er greinargerð með nánari upplýsingum um framkvæmdina og um ástæður fyrirhugaðrar efnistöku.